[أسامةوبس]

يامصر إنتى الدفا والحضن
وفوق الراس ياست الحسن
أشوف فرحك باطير فرحان
أشوف جرحك يصيبنى الحزن
مانا إبنك وإنتى الأم
باحس إيديكى لما تضم
وبافهم نظرتك ليا
وحزنك لو أمورى تغم
باحسك وإنتى حسانى
ماليش غيرك مكان تانى
ومهما أشوف بلاد غيرك
ترابك هوه بستانى
خلاص هانت ياست الكل
وهازرعلك جناينك فل
وهافرشلك طريقك نور
وأشيل منه الأسى والذل
وهازرع جوه قلبك فرح
يزيد يكبر ويطرح طرح
وأشوفه فى العيون بيطل
ياغالية ياحبيبة الكل