
13-02-2011, 10:30 PM
|
معلم اللغة الانجليزية
|
|
تاريخ التسجيل: Aug 2008
المشاركات: 163
معدل تقييم المستوى: 17
|
|
ننوس عين ماما*شعر أسامة سرحان (كتبتها من سنوات وحان وقتها الآن)
ننوس عين ماما ياختى عليه
عايز يعمل فيها الريِّس
وواخدها بهمَّه إبن الإيه
وبيخطط ليها كويَّس
فاكر إنها عِزبة ووسيَّة
هايخدها من بابا هدية
ناسى إنها دولة وليها ناسها
عمرها ما هاتِرجع مَلكِيَّة
واسعة عليك يابنى شوف غيرها
وكفاية اللى عملتو فى خيرها
باى باى رَوَّح شوف مصلحتك
سيبها لحد كفاءة يديرها
هيّه بلدنا ماتوا رجالها؟
علشان يحكم فيها عيالها؟
ريَّح نفسك مش هاتنولها
طَمِّن ماما وريَّح بالها
شعر أسامة سرحان
13 / 2 / 2011
|