اقتباس:
المشاركة الأصلية كتبت بواسطة واحـد من النــاس
انا شايف يا برنس انك مدخل في الموضوع كرهك لتامر حسني .. يعني انت مش مضايقك في البلد غير تامر
|
اقتباس:
المشاركة الأصلية كتبت بواسطة واحـد من النــاس
الكذاب المنافق .. سبت كــــــــــل مشاكل البلد وقصرتها على مشكلة تامر بس .. ما الكوسة كتير في البلد
والمشاكل كتير .. وعد يا سيدي وقولي بقوا كام لحد دلوقتي .. وبعدين يعني هو عمرو دياب اللي حلو ..
عمرو دياب اللي انت بتحبه ( او ده اللي باين ) .. ( كنت حاطط صورته توقيع وصورة ابنه في الصورة الرمزية ..
ومش متأكد صورتك الرمزية دلوقتي هي صورة عمرو ولا لأ ) ده هو اللي حلو اوي .. يعني هو عمل ايه في
حياته غير الغنا .. 46 سنة اهو وقرب يشيخ ومابيعملش حاجة غير انه يغني !!!!!!!!
سبحان الله .. خليت قضية تامر هي اكبر دليل ع الفساد
وبعدين يعني انت متأكد ان كل المغنيين دخلوا الجيش !!!!!!!!!
يا ريت يا معلم لما تيجي تكتب موضوع زي كده تبقى محايد وماتدخلش حقدك على اي حد في انك تعمل
موضوع يفتقد الحياد والموضوعية .. وياريت مايزعلكش ردي .. انا مش قصدي اتكلم باسلوب بايخ ..
سلااااااااااااااام
|
يا باشا هي المشكله في عشاق تامر حسني او عمرو دياب الي لو شافوا تامراو عمرو ممكن يبوسوا نعل جذمتهم بس المهم انهم يرضو عنهم وبعدين تامر او عمرو للاسف بينبسطوا من الموضوع دا
يعني واحد زي سامي يوسف لما حس ان جمهوره بدأ يبقي عامل زي جمهور تامر قال يا جماعه انا مش عايز ابقي عامل زي مطربين الروك اند رول الي في امريكا وعايز جمهوري يبقي محترم
ليه تامر ميبهملش زيه وبعدين يا سيدي ولا عمر ولا غيره انا مش هاخد منهم حاجه ولا هيشفعولي يوم القيامه
بس فين القيم بتاعت الشباب فين كرامتهم اذا كانوا ولاد او بنات بحس انهم معندهمش كرامه معلش متزعلش مني بس دي حقيقه
وبيتهيالي انه لما كان تامر في السجن كانوا بيوزعوا بسترات مكتوب عليها وحشتنا وكلام زي دا
وزي ما انت بتقول ان في فساد كتير في البلد من الحكومه في فساد اكبر من الشباب وصدقني لو الشباب اتصلحوا هيقدروا يفهموا الي بيجرا حواليهم مش كل همهم التفاهه وواحد يقولك انا من عشاق تامر وواحد تاني يقولك انا من عشاق عمرو طيب يا حبيبي ابقي اتحشر معاهم بقي يوم القيامه وخليهم ينفعوك او يخففوا عنك العذاب
انا اسف علي الاطاله وياريت كلامي ميكونش زعل حد