[احمد رضا]

السلام عليكم و رحمه الله و بركاته
اشكرك يا محمد علي موضوعك
بس المرادي فعلا الموضوع مختلف
وياريت تسمحولي اقول رأيي

رغم الفتره الصغيره اللي انا حضرتها مع الاعضاء الكرام اللي هما الاستاذ جمعه و فتاه الاسلام و الاستاذ زيزو

لكن كنت اكني بشوفهم كل يوم
كنت كل ما اشوف اسم الاستاذ زيزو مثلا ادخل ابحث عن مواضيعه و كنت بلاقيها بجد بجد بجد افضل مواضيع سواء هوا او فتاه الاسلام او استاذ جمعه او مهره او .. او

بجد الناس دي لما سابت المنتدي حصل خلل

بس انا عايز اقولهم حاجة

تسمحولي اقولكم يا جماعه انكم عندكم جزء من الخطأ

و هضرب مثال

مين راضي عن مبارك

طبعا مفيش حد محترم راضي عن مبارك

ياتري هنسيب البلد بقه و نسيب اهلنا عشان مش عارفين ناخد حقنا منه

هنسيب الناس اللي بتحبنا و نمشي و نقول اصل الريس وحش ياعم و قليل الأدب و حرامي و كذا وكذا

يا جماعه مش كدا

انا شايف انكم عندكم اكبر قاعده من الجماهير في المنتدي بسم الله ماشاء الله

ودي حاجة طبعا تبين انكم ناس ربنا يبارك فيكم و يباركلكم في حب الناس ليكم

بس لازم نحافظ علي النعمه دي يا جماعه

يا استاذ جمعه
يا فتاة الإسلام
يا استاذ زيزو

مش معني ان فرد واحد وحش تنسي ان الجزء الأكبر كويس

هقولكم ايه بس

بصوا سيبكم من اشرف

وسيبكم من اي حد مش كويس

بس خليكم مع الاعضاء اللي بيحبوكم بجد

واللي فعلا عايزنكم ترجعوا

عشان يرجع الموقع من جديد زي ما كان

شكرا يا جماعه و اتمني كلامي ميكونش تقيل عليكم

و شكرا ليك يا سادات