اقتباس:
المشاركة الأصلية كتبت بواسطة amr_2010
انت اتحمأت اوي كده ليه شكلك بتحب تامر اوي ومتحيز ليه بس مش مهم ده خلينا في موضوعنا
|
اقتباس:
المشاركة الأصلية كتبت بواسطة amr_2010
انا مكنتش بكره تامر و كنت بحبه جدا وكنت بسمعه لكن بعد الي شفته
لما زور وهرب من الجيش وخرج بالكوسه والمسخرة الي عملتها البنات عليه
ولما شفتله في حفله واحده طلعت حضنته و .......... اظن انت عارف الباقي
ولما شفت الافيش بتاع فيلمه عمر وقرده ولما شفت الفيلم والمسخره الي عملها في الفيلم
طبعا كرهته واستهكرته ولو شفته صدفه هتف في وشه
الفيلم ده اكبر دليل علي المسخرة وقلة الادب الي في مصر
بزمتك انت ترضي تخلي اختك تشوف الافيش بتاع الفيلم ده ولا حتي الفيلم
وبعدين انا هحقد علي ايه علي الزباله دي
واولا الغناء مش حرام وعمرو دياب مطرب محترم مش بيزور واكتر مطرب في مصر بيعمل اعمال خيريه انا شفته مرة في معهد الاورام وكان متواضع جدا وكان طالع معانا في الاسانسير لوحده مغير بودي جارد ولا حاجه و كان بيلعب مع الاطفال المرضي وكأنه شخص عادي
وبعدين انسان محترم لازم احبه مش زي تامر الي ماشيلي بعربيته الهمر في كل حته ومعاه عربيتين وراه مليانين بودي جارد تلاقيه كانو معاه في الزنزانه
وبعدين انا اسمي عمرو مش معلم
احنا هنا في منتدي محترم مش في قهوه
|
يا استاذ عمرو ( شكلك فرحان باسمك عشان على اسم عمرو دياب :D ) .. اولا انا ماتحمأتش .. عادي .. وبعدين انا مش من عشاق تامر ولا باحبه .. انا زي ما قالك احمد رضا بالظبط ..
تاني حاجة بأه .. انت بتقول انك من اسباب كرهك لتامر البنت اللي طلعت في حفلة حضنته و ..... طيب ممكن تقولي .. فرقت ايه البنت اللي حضنته دي عن كليباته .. ماكانش بيحضن فيها بنات طب ماكرهتوش ليه من الاول .. فرقت ايه بردو عن عمووور حبيبك اللي في كل كليب لازم يكون واخد واحدة في حضنه 
.. ولا دي عشان حفلة مش كليب .. عرفت باه انه حقد .. وانا مش هاقولك تامر ملاك ولا محترم .. بس لو انت مكانه هتعمل ايه .. قولي .. هتقولها كده عيب مايصحش وتزقها :D .. استحااااالة .. وانت مش عاجبك تامر اللي ماشي بعربيته الهامر .. عندك حق اصل عمرو دياب بيلف بعربيته الشاهين بكل تواضع ..
ثالثا .. انا مارضاش لاختي تشوف الافيش ولا هي .. لان الحمد لله اخواتي مابيشوفوش افلام ولا عمرهم سمعوا اغاني .. 
اخر حاجة .. ماتبقاش تخرج عن الموضوع اللي انت كاتبه .. احنا بنتكلم في منتدى محترم مش في قهوة 
( وياريت ماتخدش كلامي على اني باتخانق او باتريق في اي حاجة )
سلام ..