يا ريت الادارة تعمل قسم خاص بالثوره عشان الناس تتناقش فيه بموضوعيه زي ما قال الاستاذ محمد طعيمه.
كل واحد بيقول رأيه لازم في نفس الوقت يهين الاخر!
واحد يقول لواحد انت تعليمك علي قدك! والتاني يقوله انت ضيق الافق ! والتالت انا تعليمي عام ! والرابع انا اسلوبي معرفش ايه وانت ايه! يتكلم عن الحريه وفي نفس الموضوع يهين شخص ما بكلام جارح! يبدأ موضوعه بكلمة الحريه وينهيه بالتجريح!
اللي عايز يقول رأيه من الاخوه الاعضاء يتكلم بأسلوب علمي.. يعني انا ضد الثوره بسبب ...1....2....3 بدون اهانه
واللي مؤيد للثوره يقول ليه
مش كل واحد يتكلم يفتكر انه خريج جامعة هارفارد والباقي يدوب بيفك الخط!
اللي من مؤيدين النظام السابق يقولو رأيهم بصراحه من اهانه لحد..ايه المشكله!
بس في الاخر .. الثوره دي علامه مضيئه في تاريخ مصر... وده رأيي الشخصي في الثوره
وحسني مبارك واعوانه كانو سارقين البلد وأهدرو كرامة مصر بين الامم وكرامة المواطن المصري بره وجوه
اكيد طبعا في ناس ندمت علي اللي قالتو في حق الشباب دول.. يمكن كانو فاهمين غلط.. او كانو بيتفرجو علي الاعلام المصري بس!
كفايه الروح اللي عند الناس دلوقتي .. الناس بتكنس الشوارع . دي حاجه عمرها ما حصلت قبل كده
كل واحد دلوقتي حاسس ان كل حاجه في البلد بتاعته ولازم يحافظ عليها
ودي طفره في سلوك المواطن المصري
ويارب تفضل علي طول
__________________
The deeper you look, the more you will find
|