16-02-2011, 01:17 AM
|
 |
عضو ممتاز
|
|
تاريخ التسجيل: Sep 2007
المشاركات: 300
معدل تقييم المستوى: 0
|
|
جمد قلبك يا راجل
إحنا بعد 25 يناير
بلاش تشاؤم
وتفاءل بالخير تجده
وفي رواية أخري تفاءل بالخير تنلـْهُ
وبعدين دي حكومة مؤقته
يعني لها مهمة محددة وهي إدارة شئون البلاد
وبعد كده حاتتشال يعني حا تتشال
يا إما علي الأعناق يا إما علي آلة حدباء
وبعدين بلاش الحسد يا شيخ
قول عقبال حوافز المعلمين ماتبقي 200%
وخليك متفاءل
وعلي فكرة أنا خايف أقولك أنا متفاءل قد إيه
أحسن تقول الراجل ده
أكل تقيل وكبس عليه النوم
وبياكل رز ولبن مع الملايكة
وبيحلم أحلام ورديه من النوع التقيل
أما بخصوص المعتقلين فليست لدي مصادر
غير الجرائد اليومية والفضائيات المصرية
وبرامج التوك شو
والمجلات الاليكترونية
أعتقد أن المطالبة بتحسين الأوضاع
هي مطالب مشروعة
وأدينا بنسمع بيانات الجيش
ولازم نسمع كلامه أيضا
ولكن من الواجب أيضا
أن يكون لديك فعلا إحساس بالتفاؤل
فالتفاؤل عدوي حميدة
تعمل علي قتل الجراثيم والميكروبات
التي تظهر في أرجل الحكومة
وتعبث بين أصابع الوزارات
وتضع في الجبس أيدي الإدارات
الهم أحمنا واحمي بلادنا من كل سوء
واحفظنا واحفظ بلادنا من شر أنفسنا
وسوء أعمالنا
وبارك لنا في بلادنا وفي شبابنا
وارحم شهداءنا
وألهمنا الحق والصواب
|