[سيد الأكرت]

المشاركة الأصلية كتبت بواسطة جارةالوادى

ياا ستاذى الفاضل يعنى هو انت شفت المعلم المساعد اللى امتحن الكادر اتعين اهوه كله كلام ومحدش شاف حاجة حقيقية لغاية دلوقتى بقالنا سنة من وقت النتيجة ومفيش خطوة واهى كلمة جارى رجعت تانى يعنى نفس التردد على نفس الاذاعة ههههه وبعدين صدقنى المعايير لازم تبقى واحدة لان امتحان الصلاحية ده شرط اساسى للتعيين على درجة معلم ولاحظ محدش جاب سيرة التثبيت فى العقد وابقى شوف نسخة العقد اللى انت وقعت عليه يعنى بتثبيت او غيره لازم تدخل الامتحان عشان قانون الكادر اللى كل معلمى الدولة يتبعوه واترقو على اساسه وبتاخد فلوس برضو على اساسه بيشترط اجتياز الامتحان واهى هانت والاكاديمية هتعقد امتحان الراسبين اولا وبعدين الجدد فى وقت قريب جدا والدنيا هتمشى خليك متفائل ومتخافش الجميع فى مركب واحد وشكلنا كلنا كدة هنتساوى

أنا كلامي هدفه الأساسي هو الاتحاد على مطلب واحد وهدي مثال صغير وشاهد على كلامي يوم الخميس روحنا الوزارة وعملنا مظاهرة باسم الكل ولما خرج مسئول معرفش وظيفته ايه في الوزارة كنه بنتكلم معاه وفجأة لقيت زميل لينا بيقوله انا راجل تربوي وامتحنت الكادر ونجحت فيه ما عدا الانجليزي عشان انا مدرس لغة عربية ولازم تلغوا شرط الانجليزي من الكادر علشان اتعين . يعني حتى الناس اللي رايحه تتظاهر كل واحد بيدور على مصلحته الشخصية وأما بخصوص إن امتحان الصلاحية ده شرط اساسى للتعيين على درجة معلم فيحضرني موقف طريف لمدير المدرسة التي اعمل بها وهو عنده 55 سنة ودخل الكادر وهو من الأساسيين كشرط على الجميع أخبرني وأقسم بالله على كلامه إن الامتحانات كانت بتصحح بحاجه اسمها الماسح الضوئي الذي يرصد الدرجة عندما يرى الاجابة الصحيحة فأقسم بالله انه كان يعلم على الاربعة اختيارات وبالطبع الماسح الضوئي يرى الاجابة الصحيحة ونجح في الكادر بامتياز فانا اتساءل لماذا هذه المهزلة بالمعلم في كلام فاضي والأولى ان نعقد له دورات تدريبية تفيده في العمل