[الرهينه]

السلام عليكم ورحمة الله وبركاته
والله حضرتك عندك حق فى معظم اللى انت قولته
بس انا عن نفسى مش مقتنعه بحكاية البطاله دى
يعنى كل واحد بيتخرج مستنى الوظيفه تيجى لحد عنده مش بيجى على نفسه شويه وهو يدور
وحتى اللى بيدور فكره واحده اللى مسيطره عليه " يا اما انه يشتغل بمؤهله يا اما ما يشتغلش "
هو الكلام ده صح بس زى ما حضرتك قولت فى بلد مش زى بلدنا بلد تكون فيها امكانيات زى الدول الاوروبيه
فانا من رأيى ان اللى عايز يشتغل بجد لازم يكون مرن يعنى يستحمل شويه فى الاول واكيد بعد كده هيلاقى الفرصه اللى كان بيدور عليها
وللاسف كتير مننا مش عنده المرونه دى وهو ده اللى بسببه بيلجأ كتير من الشباب للقعاد ع القهاوى والمعاكسات والمخدرات زى ما حضرتك قولت
ومش معنى كلامى ان مفيش تقصير من ناحية الحكومه التقصير فى بلدنا ده حاجه مسلم بيها
ومصر من غير كوسه متبقاش مصر
وفى الاخر ربنا يتولانا برحمته
وسورى على الاطاله وده كان مجرد رأى