[هانى الشرقاوى]

المشاركة الأصلية كتبت بواسطة تسابيح النجوم

ههههههههههههه

صحيح يامحمد اليورو شكله ايهههههههه
ايه دا بس كدا
لازم تحكينا عن كل شيء حصل معاك
من طقطق لسلام عليكو

فرصة لازم نستغلها بما انك كنت هناك

هههههههه
شكله زى كده



اما بخصوص استغلالى
زى ما انتو عارفين انى ف أصل الأصل من الزقازيق
واغلب اسرتى عايشة فى الزقازيق
وإقامتى فى القاهرة بسبب الدراسة
أنا خلصت امتحانات قبل 25 يناير ورجعت الزقازيق
وأصلا احنا كنا عاملين حسابنا ان هو يوم وهنمشى
ولظروف ما مرحتش يوم 25 الصبح
وأخر النهار كلمنى مجموعة من أصحابى وعرفت منهم انهم ناويين الإعتصام
حضرت شنطتى أقصد السندوتشات ونزلت كايرو
تانى يوم الصبح مكنشى فى وجود للسندوتشات الجماعة قاموا بالواجب صح

لما كنا بنجوع
كان واحد بيلم فلوس مننا وينزل أى مكان يشترى أكل ويرجع وكل مجموعة كانت بتاكل مع نفسها ... وكان فيه ناس أحيانا بتوزع مية ومشروبات خصوصا بعد ضرب القنابل المسيلة للدموع ولما كانت بتحصل حالات إختناق ... وده مننا فينا مش من تل إبيب ولا حزب الله

الفلوس خلصت بسرعة جدا
خصوصا وإن فيه كام واحد من أحصابى اتسرقوا
ازاى معرفشى ... كان فيه ناس بتقوم بدورها برده
يوم والتانى لاقينا فيه راجل جئ يبيع كشرى وواحد بيعمل شاى ... شاى التنحى
وكان كل شوية يعدى حد يبيع قرص وكانت بتبقى عليه حرب كبرى ..
حتى من المراسلين والمذيعين

وأصلا كل المحلات كانت قافلة .. فكانت الوجبات بتجيلنا من بغيس فى طياغة خاصة

بالمناسبة انا جالى فقر دم فى أيام التحرير دى

وانا أناشد السادة المسئولين وأصحاب القلوب الرحيمة التبرع
وأنا فصيلتى o ويا تلحقونى يا تلحقونى