اقتباس:
|
و الان الفقرة الثالثة
ــــــــــــــــــــ
ايه اكتر مادة بتحبها و ليه ؟
|
الرياضيات ، لانها اكتر مادة فيها تشغيل دماغ و مش بتعتمد علي الحفظ هي و تطبيقاتها طبعاً زي الفيزياء
اقتباس:
|
ايه اكتر مادة بتكرهها و ليه ؟
|
اللغات –عدا الانجليزي و العربي – لاني بطبعي مش بحب اللغات و مش بحب احفظ كلمات ، حتي في الانجليزي مش بحفظ غير نطق الكلمة بس و بستهجاها بعد كده
دكتور في جامعة (في الرياضيات و الفيزياء) لان دكتور الجامعة اعلي درجات العلم و قائد من قواد التنمية العلمية و الاقدر علي نشر العلم و بثه في المجتمع يمكن اكتر من المدرس لانه بيقابل عدد اكبر من الطلاب كل يوم و هو قادر انه يطلع منهم علماء يفيدوا امتهم
في الطبيعي مش بأيده ، الا اني بحب اذاكر بالليل ، المذاكرة دي مزاج في الاخر و كل شخص و دماغه و اللي بيحب يذاكر بالليل ده طبعه و اكيد افضل بالنسبة له
و السهر بيكون لضرورة لكن غير كده مش بفضله
اقتباس:
|
بتذاكر على حوالى كام ساعة " ماتخافش احنا هنا اخواتك مش هانحسدك " ؟
|
حوالي ساعتين في اليوم و إن عملت معجزة بتوصل لـثلاث ساعات ، و عادتي اني مش بذاكر كتير لاني بتخنق من الحفظ الكتير ، لكن مادة زي الرياضيات بنسي نفسي فيها يعني ممكن اقعد طول اليوم اذاكر رياضة من غير زهق
اقتباس:
|
ايه اكتر وقت بتحب تذاكر فيه ؟
|
بعد صلاة العشاء بيكون افضل وقت للمذاكرة عندي في اليوم كله
و من رأيي ان كل واحد يذاكر في الوقت اللي بيحب يذاكر فيه ، و مش لازم التزم باللي بيقولوا ان المذاكرة بعد الفجر بتكون افضل
اقتباس:
|
ايه اكتر مشكلة بتواجهك اثناء المذاكرة ؟
|
الالحاح المستمر من اهلي بيكرهني في المذاكرة و مفيش مكان صريح بذاكر فيه ، و كمان معنديش مكتب اذاكر عليه
اقتباس:
|
مكان الامذاكرة عندك مناسب ؟
|
مطلقاً ، انا برتاح في المذاكرة عند صحابي عن المذاكرة في بيتي
اقتباس:
|
ايه اخبار اصحابك بيشجعوك و لا ايه ؟
|
بيشجعوني الحمد لله ، عندي صحاب كتير كويسين ، و التشجيع علي المذاكرة مش كبير لكن التشجيع علي القراءة و تعلم كل ماهو جديد كبير جداً و ناس كتير بتحب تستفيد بما اتعلمه
اقتباس:
|
خلاص كفاية كدة عشان مانعطلكش
|
مفيش عطلة ولا حاجة
ده اقل واجب ممكن اعمله لدعم البرنامج الرائع ده
اقتباس:
|
و اختار بقى العضوة او العضو اللى جاى
|
اختار samar saad