أحنا اللي بنبني الأمم و الشباب و المستقبل و الحضارات موظفوا البنوك عاملين اعتصام علشان بيقبضوا من 5 الآف الي قول 10 أو 20 أو 100 ألف و عايزين زيادة و مش عرف هما بيعملوا ايه و احنا يا معلمين أعلى أجر لأكبر معلم فينا تعيينا و سنا و خريج كلية التربية كمان مرتبه لا يزيد عن 1400 جنيه بعد الكادر و الحوافز . لازم مرتباتنا تعدل قبل أي حاجة و أحنا مش طالبين كثير مرتباتنا تبقى مثل البترول و الكهرباء و الاتصالات و البنوك و محدش يقول ما فيش فلوس الموضوع سهل كفاية عليهم كده و منحهم و حوافزهم توجه للتعليم بالاضافة ان المليارات التي كانت تسرق هتتوقف سرقتها و هيبقى في فلوس . و بعدين أنا عايز أنبه الى شيئ بسيط اعتصام معلمين بلدنا مصر يعني 17 مليون تلميذ هيكونوا في الشوارع مش عرافين يعملوا أيه بيجرو في كل مكان و طبعاً هينزل أهاليهم وراهم و هيسيبو الشغل و يدورو على أبنائهم يعني بالبلدي مصر كلها هتعمل مظاهرة و شوف مين هيعرف يلمها فأنا بانبه من هنا من اليوم السابع ان في طوفان ممكن يجي فيجب تصدر قرارات خاصة بالتعليم مش اشتغالة عن تثبيت 43 الف معلم مساعد و لا اعطاء الكادر و علاوة 15% لأن أجدع معلم مش هيزيد بالعلاوة ده أكثر من 75 جنيه احنا عايزين مرتب محتر م ذي كل الناس المحترمة و أنا قلت مرتب زي البترول و الاتصالات و الكهرباء و الجيش أحنا اللي بنينا الناس اللي بتشتغل في هذه المؤسسات و بعدين أحنا صبورين جداً بس كفاية احنا راضين بوعد سريع يصدر من المجلس العسكري يقول ان المعليمن في الشهر الفلاني اللي طبعاً قبل بداية اسئناف الدراسة لأن لو أسأنفت الدراسة قبل أن يشعر المعلمين بالارتياح أنا مش عارف ايه اللي ممكن يحصل و مين اللي هيتحمل عواقبه رجاء المعلمين مفلسين مفيش دروس خصوصية خلاص الترم بح و الفلوس بح
|