واحدة من معجبينك ياريس
إنت أكيد ياريس اتنحيت علشان تكشف المجرمين دول والناس كلهم ظلمينك وكل
اللي كانوا حوليك كانوا سيئين وانت البريء الوحيد وحتى الشعب أبو قلب قاسي
ظلمك ومرحمش إنك كنت عايش في غابة وكنت مطنش على ماتشوف مين كمان اللي
حيسرق وينهب ويزور وأنا متأكدة إنك كنت مستني الوقت المناسب علشان تشيلهم
كلهم وتحاكمهم حتى جمال أنا متأكدة إن حبك للوطن كان هيخليك تطالب بإعدامه
وتغني وتقول علشان مصر تعيش لازم كل المفسدين يموتوا _ كل ده أنا واثقة منه_
لكن الشعب وخصوصا الشباب الطايش اتسرعوا وفهموك غلط ومصبروش لحد ماتخلص كل
حاجه _ وأخيرا عندي طلب واحد ياريس إنك تبعتلي حد ياخدني علشان آجي أزورك
لان إنت عارف أنا مش قادرة آجي لوحدي لأني محجوزة من زمان في العنبر رقم واحد
في العباسية
أمضاء_
واحدة من معجبينك ياريس