[LoOoLy El Treikawya]

هيييييييييه فهمت يا نور
آسفة جدا على التأخير يا جماعة
بس مش كنت عارفة ادخل المنتدى بيقول مشغول

المشاركة الأصلية كتبت بواسطة Nour Eleman

و الان مع الفقرة الثانية و هى اختيار العضوة و هى









لولى التريكاوية

و دلوقتى يا الاء جاوبى على الاسئلة دى

من عينى حاضر .. الاسم آلاء .. السن 17 سنة .. العنوان احم اى اللى انا بقوله دة انا فكرت محضر
ــــــــــــــــــــ
1\ ايه اكتر مادة بتحبيها و ليه ؟
السنادى الكيميا والسنة اللى فاتت كانت الرياضة
ولى بقى؟ عشان بحس انها بتعتمد على الفهم أكتر خاصة الكيميا العضوية وبحسها مسلية وسهلة

2\ايه اكتر مادة بتكرهيها و ليه ؟
على العلم انى مش دحيحة ولا حاجة بس مفيش مادة بكرهها .. أكيد بستغلس بعض الحاجات شوية خاصة فى الفيزيا النظرى بس لما بذاكرها بتقبلها
وعلى فكرة اللى بيكره مادة بيكرهها عشان هو مش بيذاكرها


3\نفسك تطلعى ايه و ليه؟
تصدقوا انى لحد دلوقتى مش عارفة .. اصلى محتارة بين اسنان وطب بشرى بابا عاوزنى فى بشرى وانا خايفة منها وعاوزة اسنان ((هبقى اصلى استخارة بقى)) بس ادعولى اجيب المجموع اللى يخلينى اختار براحتى
بس انا الايام دى اعجبت ببشرى لما كان فى دكاترة متطوعين راحوا ليبيا وكان نفسى ابقى معاهم نعالج الجرحى ويمكن استشهد هناك

4\بتأيدى موضوع السهر ؟
نهائى .. على فكرة بجد عمرى ما عرفت اسهر اذاكر حتى ايام امتحاناتى لو ذاكرت بعد الساعة 10 اقلق خالص واتوتر وبحس انه مش وقت مذاكرة
وأكيد الواحد احسنله يمشى مع الطبيعة لان الليل وقت الراحة

5\بتذاكرى على حوالى كام ساعة " ماتخافيش احنا هنا اخواتك مش هانحسدك " ؟
تحسدونى على اى يا حسرة
هههههه بصى لما بكون مجتهدة بذاكر من بعد صلاة الفجر وباخد راحات كل فترة لحد ما اروح الدرس ولما بكون نص ونص بذاكر عالساعة 8 او 9 ولما بكون كسلانة آخر حاجة مبذكرش غير قبل ما انزل الدرس

6\ايه اكتر وقت بتحبى تذاكرى فيه ؟
بعد صلاة الفجر ((وبعد ما آكل واملى التانك لانى لما بصحى بدرى نفسى بتتفتح بردو

7\ايه اكتر مشكلة بتواجهك اثناء المذاكرة ؟
أكتر مشكلة انى مبعرفش اذاكر بالليل خالص ومن بعد المغرب مبحسش انى عاوزة اذاكر المشكلة دى بتكبر وبتبان لما بكون بروح المدرسة لان الصبح كدة ضايع والليل نفسى مسدودة

8\مكان المذاكرة عندك مناسب ؟
المكتب اللى فى اوضتى ((السرير مش بيغرينى ولا حاجة لانى اصلا مبذاكرش وانا نعسانة))

9\ايه اخبار اصحابك بيشجعوكى و لا ايه ؟
اصحابى دول دماااغ آخر حاجة ومن الفشل انك تكلميهم عن المذاكرة .. وتبقى حريتة لو امتحنتى اللى عليكى هههههههه انا بحاول اشجعهم بس ربنا يهديهم ويهدينى

خلاص كفاية كدة عشان مانعطلكيش

لا خالص انا فاضية ((منا بالليل بقى مبذاكرش ))

بس يا رب اجاباتى متأثرش على حد سلبيا

وشكرا ليكو يا جماعة على استضافتى
بس انا مشربتش ولا كلت حاجة لحد دلوقتى؟؟ فين حسن الضيافة؟؟