ايوه مظبوط كده الكلام ده
كلنا اتفقنا على ان يتم تعيين جميع المدرسين سواء عقد او اجر وان لم يتم الاستجابة لطلبات سيكون يوم الخميس مظاهره حاشده وكبيره جدااااا و اضراب عن العمل يوم السبت القادم
انا بس كل الى غايظنى المدرسين الى بيتمنو ان الاكاديميه تتلغى و انها متكنش شرط فى التثبيت و تلاقيهم بعد كده بيرحو الاكاديميه عشان يقدمو الورق ويقولوك نعمل ايه يعنى ده الاعتصام ده كلام فاضى هو القانون كده وانا اقولهم ده احنا عرفنا نلغى الدستور كلو و مجلس الشعب والشورى مش هنعرف يعنى نلغى القانون المتخلف ده
المدرسين دول مش واخدين بالهم من نقطة معينه وهى ان اصلا الناس الى امتحنت الكادر من سنه تقريبا لسه ولا اخدته ولا اتثبتت يبقى هما الى هيمتحنو فى يوم 25 هيتثبتو علطول كده
نفسى كل المدرسين يتعملو على انهم اصحاب رسالة مش موظفين لانهم لو كانو اصحاب رسالات كانو هيبقو اول الناس الى ترفض القرارت الخاطئة زى قانون الكادر المهين لكن لاسف هما موظفين فمش عندهم اى طموح فى التعليم ولا اى رؤية عشان يصلحو التعليم ده وانا اول الموظفين دول لانى سكت على العمل بالاجر بهذا النظام المهين و برضو سكت على حاجات تانيه كتير ضيعت التعليم فى مصر ارجوكم يا جماعه ثقو فى انكم اصحاب رسالات مش موظفين عند حد البلد دلوقتى محتاجنا اكتر من الاول بكتير
|