إمبارح أساتذة الجامعة عملوا وقفة إحتجاجيه
فقام السيد الوزير المحترم بزيادة رواتبهم 100%
سبحان الله
و إحنا المعلمين طالع عينا من أكتر من شهر وقفات و مطالبات و نعمل بيان بإسم جميع المعلمين
و نرسل فاكسات إلى المجلس الأعلى و رئاسة الوزراء و وزارة التربية و التعليم و الصحف و القنوات التلفزيونيه
و فى المقابل تجاهل غريب من جميع المسئولين
و كأن
الكلاب تعوى و القافلة تسير
أنا شايف إن بعد هذا التجاهل الرهيب من قبل المسئولين
ليس لنا سوى الإضراب عن العمل
ندخل مدارسنا و نوقع بالحضور و ننزل الحوش للتجمع مضربين عن دخول الفصول
ليعرفوا و يعرف الجميع من هم المعلمون
كل واحد عمال يكتب فى مطالب
و عمالين نتكلم و خلاص
آن الأوان إننا نقف وقفه جد
6 مارس
يوم المعلم المصرى الشريف
إعتصام و إضراب عن العمل
و تجمعات للمدرسين فى كل المحافظات
لما نشوف حد حيعبرنا ولا لأة