اقتباس:
المشاركة الأصلية كتبت بواسطة هشام ريال مدريد
بسم الله لرحمن الرحيم
انا اولا فيه ناس بتفكرني اني مش محترم او مش بحترم المدرس
انا بقلكم اكتر واحد بيحترم المعلمين هو انا لكن العيب في المدرس برضو فلنفترض ان فيه ولد قليل الادب يا تري نشتمه بابوه ولا بامه طب امه مالها ابوه ماله ولو الطالب هيشتم المدرس بنفس الدرجه شوف هيعمل ايه وطبعا المدرس بيشتم بس في المدارس الثانويه بس علي العموم ده مش موضوعنا المهم انه لو فيه واحد مش محترم ابقي انا زيه ؟؟؟؟؟؟ ولا احاول اصلح منه
وشكرا والسلام عليكم ورحمة الله وبركاته
|
انا طبعا متفق معاك ان لايصح للمعلم ان يشتم الطلاب او ( ان اى حد يشتم عموما فى اى مكان)
بس تفتكر الطلبة اللى بتتكلم عنهم كان ينفع معاهم غير الاسلوب ده خلى بالك المعلم اللى بيشتم مابيكنش فرحان اوى وهو بيشتم لانه عارف كويس ان بيعمل كده اكبر الكبائر واكيد فى مدرسين كتير يتمنوا انه يعلم الطالب كويس وتعدى حصته وهو راضى عنها ويتمنى ان ربنا يجازيه خير عنها
انا مدرس اول ماشتغلت ادخل الفصل واقول مش عاوز اشتم حد
ومش عاوز اضرب حد
لكن للاسف الطلبة فهموا ده ضعف وكمان اللى كان مؤدب حب يقلد غيره
وبمجرد ان الواحد يشتم ويضرب تمشى الحصة حلوة وزى الفل
ياترى بتعملوا ايه مع المدرسات اللى مابيشتموش ؟
طب اقترح علينا نعامل الطلبة اللى رافضين يتعلموا وجايين بس عشان اهاليهم فارضين عليهم فيطلعوا ده فى كل حاجة فى المدرسة ؟
يكسر زجاج يكسر مقاعد يشاغب فى الحصة وللاسف ممكن يكونوا عددهم قليل فى الفصل بس باهتمام باقى الفصل بهم ومحاولة تقليدهم يضطر المدرس للاساليب الغير صحيحة