احنا بنتكلم هنا حوالي 5 أو 10 بالكتير ، بينما لو أتيحت الفرصة للمدرسين في المدارس الخاصة بس ! في القاهرة و ضواحيها بس ! لأنهم يتكلموا عما يلاقوه يوميا من قرف و بهدلة و مهانة . ان شاء الله حنطلع بمليونية جديدة !!! , أما عن الكلام عن النقابة (بتاعتنا) فبالرغم من أنها من أغني النقابات في بر مصر كله ! و عندها فندق مش بطال خالص ع النيل مباشرة ( كانت الناس زمان ممكن تطلع ف الكافيتيريا اللي ع النيل دي و تقعد تتفرج ع المنظر الجميل و تستمتع بالهواء العليل ) خدوها الحمد لله و ضموها للفندق . و أصبحت الكافتيريا في الدور الأرضي أشبه بموقف الأتوبيسات منها للكافتيريا . يصفها الموظفون أنفسهم بأنها قعدة غير آدمية (زي البدروم أو ما شابه) وتروح تسدد الاشتراك يقوللك لازم الوصل القديم أصل الدفاتر القديمة رميناها خلاص (لو مش معاك آخر وصل مالكش حاجة عندهم!!) أما عن الخدمات اللي بتقدمها فهي أن الكشف في المستشفي التابعة للنقابة الفرعية ب25 جنيه للجمهور العادي ، فلك أنت أيها النقابي المتميز ب20 جنيه بس !! و هو ب10 بس في أي مستشفي خيري تاني أقرب منها مسافة ! . و الجميل فيها فعلا أن موظفينها كلما سألتهم عن شيء أي شيء نادرا ما تجدهم عارفين حاجة من شئون النقابة و اجاباتهم دائما صح بنسبة شك لا تقل عن 90% . ناهيك عن تضارب الكلام بين الموظفين و بعضهم كل واحد له رأي ف الموضوع !!، كأنك بتسأله عن رأي شخصي مش قانون أو نظام المفروض أنه بيطبقه !! و يقوللك أصل أنا مدرس زيي زيك !!! فخلاص بقي كفي الله المؤمنين شر السؤال ! ده اذا كنت لسه فاكر كنت بتسأل عن ايه أصلا أول ما رحت !! وربنا يسهل و تتطور النقابة دي مع الثورة !!و يبقي حالها هي و اللي فيها كما هو مفترض به أن يكون و خصوصا (بالنظر لكم الامكانات المادية المتميزةفيها و نأمل أن توجد فيها كوادر بشرية قادرة و فاهمة) لتلبي طلبات المعلمين اللي المفروض أنها بتخدمهم . و شكرا .
|