اقتباس:
المشاركة الأصلية كتبت بواسطة علي عضاضلي
alittle bit of wisdom
قليلا من الحكمة
السلام عليكم.. يا جماعة حرام اللي بيحصل دة.. احنا في وقت حرج جدا .. لازم نفكر شوية لو بتحب بلدك.. وخايق على نفسك واهلك.. المطالب الفئويةاللي انتشرت في كل مكان .. كارثة ومصيبة.. وكون انهاانتشرت بينا احنا المعلمين الكارثة اشد ..
كلنا عايزين حقوقنامحدش قال حاجة.. بس مش كدة ومش بالطريقة دي والاسلوب دة..والله كدة بنخرب البلد..
اللي عايز يضرب عن العمل..واللي عايز يزود المرتبات..ويزودالحد الادني للكادر والمكافات .. ايه دة .. مش ممكن.. فيه حد بيحب بلدة يعمل كدة.. اللي بيعمل كدة ناس نفوسها ضعيفة وانتهازيين..حتى بالبلدي بيقولك الضرب في الميت حرام.. كدة يبقى احمدعز وشلة الوزراء السابقين احسن مننا .. على الاقل نهبو البلد وهيه واقفة على رجليها... اما احنا بننهب البلد وهيه واقعة..
صبرتو 30سنة مش قادرين تصبرو شوية كمان !!
((وأفوض امري إلى الله إن الله بصير بالعباد)) |
صح يا على أنا معك البلد محتاجة عمل مش محتاجة أعتصامات ومطالب قد تؤدى بنا للهاوية