[ابو الفاروق]

يا جماعة الفاكس دة خاص فقط بالمتعاقدين تعاقد عادى والاجر لكل من مر علية ثلاث سنوات متصلة سواء تعاقد عادى او بالاجر فسوف يتم تثبيتهم ومعنى كلمة تثبيتهم هو تحويل تعاقدهم العادى او عملهم بالاجر الى تعاقد مميز او بمعنى اوضح معلم مساعد حتى يكون على بداية المسميات الوظيفية التعليمية طبقا لقانون الكادر

ملحوظة : من ينطبق عليهم هذا القرار هم من على رأس العمل حاليا ،، وكمان يكون شغال لمدة 3 سنوات بلا انقطاع

على سبيل المثال : واحدة اشتغلت سنة 2002 لمدة سنة وبعدين اتجوزت جوزها قالها ريحى نفسك وسيبك من وجع القلب دة وبعد سنة ولا اتنين زهقت ورجعت الشغل تانى سنة 2009 واشتغلت سنتين

مش هينطبق عليها القرار دة لان ببساطة مش هينفع تضم السنة الاولى على السنتين انا من محافظة القليوبية وكنت فى المديرية يوم الخميس اللى فات وشفت كل الكلام دة وشفت المشاكل دى كلها وعلشان اريحكم اللى فى المديرية نفسهم مش فاهمين كيفية تنفيذ هذا القرار مدير شئون العاملين الاستاذ فوزى مش فاهم ولا مدام فيفى المدير المالى والادارى فاهمة وقاللوا احنا لسة هنبعت للوزارة نسئل عن كيفية التنفيذ وبعدين نجتمع مع مديرى الادارات نفهم ينفذوا ازاى

ومن ضمن الكلام بنت واقفة بتكلم مدام فيفى بتقولها ازاى انتى مديرة شئون مالية وادارية ومش فاهمة ازاى تنفذى قالت ليها تحبى اريحيك زى ما الوزير عمل مع الناس وامشيكى من قدامى قاللتلها اة ريحينى قالت لية انت لو بقالك 3 سنين هتتعينى يلا مع السلامة ، فالبنت قالت ليها طيب لو هتقوللى الحقيقة قالت ليها لازم اعملك عقد مميز الاول معلم مساعد اما التعيين بعد كدة لما تخلصى الكادر وتخدى شهادة الصلاحية وباقى الشروط

خلاصة القول >>> هناك بعض القرارات السياسية التى تصدرها الجهات المركزية ولا يستطيع موظفى المديريات او الادارات تنفيذها لعدم وضوحها القانونى

محدش فاهم حاجة