[الـشـيـمـ ء ـا]

المشاركة الأصلية كتبت بواسطة thechampion

لما تكون نايم متغطى وفى نفس الوقت عريان
لما تشوف شحات فى الشارع وتقول عليه غلبان
ويكون بيضحك عليك وهو من كلاب الدولة الحيوان
لما تكون نازل مظاهرة وسط مناضلين
فجأة تلاقى اللى حواليك ناس واطيةوخاينين
أصل امن الدولة الواطى قايلهم روحوا اندسوا يا حلوين
وتبص تلاقى مظاهرة انفضت وحواليك عشرين
لما تحب تكلم صاحبك عالتليفون
يقوم يقولك انت متراقب تقول عليه مجنون
فجأة تلاقى الباب بيخبط تقوم تفتح على طول
تحس بأنك اما بتحلم او انك مسطول
تتاخد من على باب الشقة وبنطلونك مبلول
وتروح هناك واللى يعوزوه لازم هتقول
ولو رفضت وعملت راجل يحولوك مشلول
ياخدوك كده ويدخلوك فى باب
يحطوك تحت الارض فى سرداب
تكونش سرق مدينتى ولا حتى الرحاب
وتختارلك قضية يا مخدرات يا سلاح يا ارهاب
ولومقبلتش يعذبوك ويطلقوا عليك الكلاب
وكل ده بيحصلك من غير أسباب
وأوعى فى يوم تفكر تدخل الحمام
وأوعى فى يوم تنسى تستأذن قبل ما تنام
ولو فكرت تتغدى هما يختارولك فراخ ولا حمام
ولو شفت علامة تعجب وقالولك دى علامة استفهام تبقى استفهام
ولو قالك انت مجنون تبقى مجنون ومتنطقش اى كلام
ولو حبيت تدخل تجارة وهما اختارولك اعلام يبقى اعلام ومتنطقش اى كلام
وهما يقولولك تدخل صنايع ولا ثانوى عام ومتنطقش أى كلام
وأما تحب فى يوم تتجوز يقولولك رافضين
وأوعاك ترفض ولا تبوز ليودوك الصين
ولو انت دكتور عادى تشتغل تغسل مواعين
المهم البشوات ميكونوش زعلانين
والشعب يحب يرضيهم وهما يفضلوا قرفانين
ويبصولك بقرف ويقولوا كفاية معيشينكم امنين
كأن الحيلة بيتباهى بتحرير فلسطين
بس المشكلة أننا كنا طيبين
شفتوا ازاى لما استرجلنا خليناهم مسحولين
أخيرا بانو ازاى هما جبناء ومجانين
أتاريهم كانوا للبلد مالكين
وقوتى وقوتك كانوا ناهبين وسارقين
قصيدة من تأليفى مدحت محمد حسين
the champion

بجد القصيدة بتاعت حضرتك دى جميلة جدااااااا

وكلام حضرتك صح جدااااااااا

بس فى نقطة فيهم بس هى اللى مش مصدقاها
ان الشخص يبقى عاوز يدخل تجارة ويدخلوه اعلام
بس بتحصل برضو
بس مش منتشرة
المنتشر اكتر اللى بيبقى عاوز يدخل حقوق ويدخلوه طب

بس القصيده بتاعتك بجد هااااااااااااااايله
تسلم ايد حضرتك