ما اعتقدش انه هيجي سهل يعني هيجي زي العادة ممكن تيجي ماده اسهل من ماده ودي حاجة وارده جدا والدليل امتحانات السنة اللي فاتت زي امتحان الكيمياء والاحياء
المهم دلوقتي بعد ما المناهج اتخففت بقي في احتمال وارد انه الامتحان مش هيجي بسيط ولو في احتجاج علي كده هيبقي الرد بتاع الوزارة احنا خففنا المناهج ايه هنعمله اكتر من كده لطلبة الثانوية يعني انا شايفة ان الامتحان بعد التخفيف هيبقي اصعب يعني فيها ايه لما يتلغي فصل زي الفصل 13 ولا حاجة بل ان الاسئلة اللي كانت بتيجي عليه في ورقة الاسئلة هتبقي مكانها اسئلة تانية وساعتها ممكن تكون اسئلة للمتميزين والاسم انه الغي بعض الاجزاء
دلوقتي كل واحد لازم يبذل كل جهده علشان يقدر يدخل الكلية اللي عايزها وساعتها يقدر يخدم بلده بالشكل المناسب
صحيح مافيش حد فينا كان في ميدان التحرير بس احنا اكيد اتأثرنا بالاحداث لاننا قبل اي حاجة مصريين مش درجة التأثراللي البعض بيوصفها وكل شوية عايزين يعملوا ثورة لاحساسهم بالظلم كفاية كده بقي بجد زودوها اوي هي البلد ناقصاهم
|