[نقاء الروح]

موضوع رائع جدا ..
واسمحو لي اشارك

1- الاهتمام بمادة الدين .. الكتب تتعمل تتناسب مع المرحلة العمرية وقضايا معاصرة واسلوب يجذب وحوار بناء والمدرسين يحضرو ليها والحصة ليها كيانها مش حصة فسحة !
2- اتمنى اول حاجة جعل المدارس بنين صافي وبنات صافي ومن ضمنهم هيئة التدريس .. ويعملو باصات لتوصيل الطالبات من البيت للمدرسة والعكس لكل المدارس حكومي او خاص
3- تجهيز المدارس بمعامل علوم وحاسب على اعلى مستوى ومش تكون ممنوع اللمس والاقتراب لاء للاستخدام المفيد وكمان مكان للممارسة الرياضة وادوات كمان وتفعيل المسابقات الثقافية والعلمية والرياضية ورعايتها
4- المدرسين يقدم لهم دورات ومشاغل دورية ومافيش مانع لو تم الاستعانة بخبرات اجنبية فالبداية
5- تعيين المدرسين يكون صح مدرس العربي يدرس عربي والعلوم علوم وياريت لو يكون خريج تربية مش كلية تانية
6- المرحلة الابتدائية اهم مرحلة وال بنبني عليها باقي المراحل .. فلازم نهتم بيها واهم حاجة نقطة الغش دي
ومش نقول عيال وهيكبرو .. لان المتعود على حاجة خلاص
7- الترقية والحاجات دي تكون بناء على الكفاءة والمجهود عشان الكل يبذل اقصى مجهود ويكون فيه روح منافسة

اتمنى اكون قلت حاجة تنفع تتنفذ ومش كلام مرسل وخلاص
ولو افتكرت حاجة تاني هاجي اقولها