انا حاكون بكرة ان شاء الله فى المديرية بعد المدرسة على 12 ونص بالكتير يا ريت نكون يا جماعة موجودين هناك لان سكوتنا ده بيخليهوم يتمادو فى التطنيش وبيحسسنى ان الحكاية عبارة عن كذبة لتهدئة الموقف احنا بقينا نص الشهر ومفيش مدرس مساعد استلم جواب تعيينه ولا عرفنا ايه هى امتيازات الوظيفة الجديدة كمعلم ولا شفنا اى تغيير يا جماعة احنا فى مدرستنا مرتبات المعلم المساعد كلها واحدة ما عدا تعاقداات 2009 مرتبتهم اقل مننا بحوالى 50 جنيه والكل متساوى كدة سواء دخل الامتجان او لا والله احساسى ان الموضوع خدعة وفى حاجة مش مفهومة فى المسئولين عن المحافظات اللى مفهاش اى تقدم دى شكلهم كدة عايزنا لسة نستنى لما الكل يتعيين ويمتحن و ينجح وفى الاخر الكل يتم تعيينه ده لو تم اساسا ....... احنا صبرنا كتير اوى وبجد معدناش نستحمل اى صبر الحكاية كدة واضح اانها ماشية بمنطق النظام السابق ومنستغربشى لان الصراحة كل قيادات وموظفين المديريات او الادارات زى مهما بل بالعكس دول اليومين دول بيلعبو احلى لعب وعرفت ان التزوير على ودنه والمحسوبية وناس متستحقش ان اسمها يكون موجود فى كشوفات التثبيت وتم ادراجها لان محدش حاسس ولا حد حيسأل الكل بيحاول يستفاد اليومين دول قبل الفوقان انا زهقت وبجد مستخسرة دم الشهدا دول وربنا ييسرلنا الاحول
|