[msrahmedseef]

والله يا اخى مش يسرى الجمل بس هو اللى افسد كل وزير بيجى بيفسد شوية اولا لانهم مش تربويين ولا يمدوا للتربية فى صله ثانيا هم ما بيخدوش القرار من نفسهم يعنى فيه اللى بيفكر لهم يعنى مبسوطين بالنظام الامريكى وبيحاولو يطبقوه علينا فى مصر بس باسلوب غبى انا بقرأ الكتب الامريكية فى التعليم كتب تفتح النفس انما الكتب اللى عندنا دى كتب خاوية من العلم وبعدين لجان تطوير المناهج دى تسمى لجان تخريب المناهج دول شوية ناس قاعدين فى المكاتب ويغيرو فى المناهج كما يحلوا لهم مفيش حد منهم بينزل ويشوف المناهج دى تطابق ارض الواقع ولا لا انا مدرس رياضيات و انا شايف ان الجماعة دول بيعملوا على تدمير مادة الرياضيات من حيث مضمونها ونظامها وهيئتها وبيحولوها من رياضيات الى الله اعلم بعدين هاتبقى اية ممكن تبقى بعد كده ماده العاب رياضية بس هو احنا بنطور المواد ولا بنهمشها ونبهدلها ونفقدها قيمتها كلمة بسيطة اليابان اللى بتصنع الالات الحاسبة ممنوع فيها استخدام الاله الحاسبة فى الرياضيات الى المرحلة الثانوية يعنى مسموح باستخدام الاله الحاسبه عندهم فى مرحلة الجامعة فقط واحنا بنعلم العيل فى الابتدائى انه يعتمد فقط على الحاسبة يبقى فين الرياضيات وتفكير العيل كده بيدهور مش بيزيد انا كده بعلمة يعتمد على الاله مش ازاى يصنع الاله وقس على كدا كتير احنا عاوزين وزير تربوى ويكون ممتحن الكادر ومعاه الاى سى دى ال