وزارة خدمية
الناس دى شايفنا وزارة خدمية يعنى مش بندخل فلوس
و أهو كده كده التعليم عندنا بايظ لعامة الشعب طبعاً
و اللى عايز يعلم عياله صح يدفع فى المدارس الخاصة أو الاجنبية اللى بتدفع ضرائب للبلد يبقى دول يستحقوا الزيادة
أنما الوزارة شايفة مش بتدخلوا فلوس و التعليم بايظ و بتخدوا اجازة طول الصيف و اجازة يومين فى الأسبوع و بتدوا بكثيره 18 حصة يعنى بتشتغلوا تقريباً 18 ساعة فى الأسبوع و الباقى تزويغ و شرب شاى و ألخ و كمان عايزين زيادة فى المرتب
يبقى فعلاً لازم نراعى ظروف البلد
و أل ايه يقولوا لك اصلاح أحوال التعليم
يا عمى دول عايزينها كده بايظة علشان ولادهم هما بس اللى يتعلموا كويس و يخشوا كليات حلوة و يشتغلوا وظائف حلوة و الباقى كفاية عليه انه اتعلم مجانى
ما هو التعليم استثمار فى البشر يعنى تقدر تدفع ابنك حيلاقى وظيفة فى المستقبل
و لكن الحقيقة أن التعليم استثمار فى عقول البشر و طالما الوزارة دى مش عايزة تعلم يبقى كل سنة و انت طيب
|