[ابو الفاروق]

المشاركة الأصلية كتبت بواسطة samruosf

تعجب!!!!!!!!!!!!!!!!
ابناء البحيرة المعوقين
الادارة والتنظيم كل يوم فى حال يوم ترفع المعوقين فى السماء ويوم تانى تحكم عليهم بالاعدام
كل ما جاء بالكتاب الدورى رقم 5 لسنة 2011 هو عكس ما جاء به الكتاب الدورى رقم 4 لسنة2011
الدكتور صفوت النحاس بيحاول يقول للمعوقين انتم ملكمش حق فى هذة البلد
احنا بنقوله حقنا هنخضوه باذن الله .
انا مع كل من يبحث عن حقه وهامش المشوار للاخر وحسبى الله ونعم الوكيل

كلامك كلة صح فعلا الكتاب الدورى رقم (5) متناقض مع ما جاء فى الكتاب الدورى رقم (4)

فالكتاب الدورى رقم (4) يقول نسبة الزامية وحتمية ويفيد بالتعيين الفورى
اما الكتاب رقم (5) فيقول تعيين ذوى الاحتياجات الخاصة من المتعاقدين على الباب الاول وامضو ثلاث سنوات
وان لم يكن هناك معاقين او يوجد ولكن لم تستوفى النسبة ، بناءا على اعداد الذين سوف يتم تعيينهم يتم حجزها والتعاقد عليها ولما يقضوا 3 سنين يتعينوا هههههههههههههه

والله تنفع نكتة حسبى الله ونعم والوكيل
هو كان فى معاقين اصلا بيتعملهم عقود من قبل 2009 دا لولا ان الواحد كان بيحارب ونادرا لما كان يلاقى حد متعاطف مع حالتة ويعملة عقد فى 2009 مكنش اصلا اتعملت عقود


صدقونى لو فضلنا ساكتين مش هنعرف ناخد حقنا ، القانون فى صفنا من الالف الى الياء

الحل الوحيد رفع قضية فى القضاء الادارى على كلا من

عصام شرف احمد جمال الدين موسى صفوت النحاس احمد البرعى

كلا بصفتة وشخصة

احنا اية ذنبنا ان مكنش القانون بيطبق واية بردة ذنبنا دلوقتى اننا شاغلين منذ سنين فى التربية والتعليم وتضيع علينا السنين هدر 10 سنوات من العمر

يا جماعة انتو شايفين زملائنا الاسوياء بيأنو من شروط الاكاديمية امال احنا هنعمل اية فى التربوى
ان كان فينا حد حالتة ودرجتة اعاقتة تستحمل ففينا ناس تانية مش هتقدر تنتظم فى مدارسها وكمان فى الانتظام فى كلية تربية ومحاضرات وفينا ناس بعيد عن الكليات جدا
وفينا ناس بكراسى متحركة وبأجهزة تعويضية وبعكازين