[محمود عبد التواب]

المشاركة الأصلية كتبت بواسطة التوأمان

بص هو صراحه عرفت مفاتيح الجدول ده من احد الاعضاء هنا فى المنتدى بس زودت عليه حاجات من عندى

اليوم طبعا 24 ساعه

تقدر بقى تنام 8 ساعات ده بحد اقصى ( طبعا ممكن نقللهم عشان الوقت زنق )
و طبعا ثبت 6 ساعات مذاكره بحيث يكون لكل ماده ساعه فى اليوم بس ساعه على حق يعنى بنذاكر صح مش كل شويه نسيب الكتاب و نقوم و اسمنا بنذاكر و احدى المواد ليها ساعتين و تقوم بتبادلها مع ماده اخرى فى اليوم التالى و هكذا
عندك بقى ساعتين للاكل خلال اليوم توزعهم على اليوم براحتك ( يعنى مش لازم نقضيها اكل طول النهار يعنى )
و عندك بقى خمس ساعات دول بقى لو عندك دروس و كده لان طبعا قليل لما بنروح المدرسه و فى منا الى مبيروحش خالص

فاضل بقى كده 3 ساعات دول بقى تخرج فيهم تلعب فيهم تعد على النت فيهم براحتك بقى خالص اعمل ما بدالك دول عشان ترفه عن نفسك

ده جدول يعتبر كويس و مناسب لكتير منا و اذا وفرنا وقت فده ممكن نعمل مراجعات سريعه كده للدروس بحيث بردو نخلى مواعيد المذاكره الثابته لوحدها و متتاثرش بحاجه بالعكس لو قدرنا نزودها يبقى احسن كمان

دى مجرد وجهة نظر ان عجبتك حاول تنفذها و تمشى عليها و كانها فرمان من الجيش و ان عملت كده ان شاء الله ربنا هيكرمك و تجيب مجموع كويس و انا مش هقدر اقولك توزعها ازاى لاننا طبعا كلنا مواعيد دروسنا مختلفه و كده شوف انت بقى الانسب ليك و اعمله

و بتمنى بجد انى اكون قدرت اساعدك .

بجد شكرا ليكي الجدول في الوقت المناسب وربنا يساعدنا جميعا ومنضيعش وقت تاني