سيبنيى مرة اثبت لك
فتحت صندوق اللقايا لقيتة مليان لاخرة خوف
جبل عالى على صدرك يا بلدى
وقلبك
وقلبك شايل جواه زكايب من الهم وخوف
تلاتين سنة............. تلات تلاف سنة كاتم على نفسك
وفوق قلبك ............. يا قلبك؟
جبل عالى وشباب غالى طالع لفوق
لكن اللى وصل للعلالى راح منه الخوف
رفع علمك وزال ألمك
دوا جرحك............ رجع فرحك
ولبستى فستانك الابيض اللى كان اسود من عمايل
اللى خانوكى .... واللى باعوكى للشيطان
واللى باعوكى للشيطان .....كانوا فى يوم ولدك
طبطبتى عليهم وصنتيهم . لكن هما كانوا ولاد حرام؟
صارحينى
قولى
آزاى يكونوا ولادك وهما سرقوا الكحل من عينك
وسابوكى فى ضلمة الليل وفى غربة نهار
نهار خلى دما ولادك انهار
واللى انهار منك عايز سنين عشان يبقى عمار
ولسة بينك وبينهم عمار؟
سيبيهم ان شا الله تكالهم ديابة..... ولا تدوسهم دبابة.
قلبك الحنين قتل الحق جواى
سيبنيى مرة اثبت لك ان انا اللى بحبك
مش هو..... دا هو اللى باعك فى سوق النخاسة
ورجع باكى يقول ..ياماى.
|