[**تسابيح**]

المشاركة الأصلية كتبت بواسطة Mohamed.Helmy

حصـــــــلت حاجة غريبة النهاردة ..

روحت انا و أتنين أصحابي الاستفتـــاء ..

و واحد مننا فوق الــ 18 سنة و انا و صحبي التالت ده لسه مكملنــاش 18

المهم كانت الساعة 6.30 كده و فاضل نصف ساعة

الغريب اني لقيت ناس أصغر مني بسنة يعنى مواليد 94 و لقيتهم صوتــوا عادي .. بسألهم قالوا ياعم محدش بيسأل و كمان حطوا من الحبر الفسفوري

انا قولت خلاص أكيد بالبطاقة بس يعنى عايزين الرقم القومي بس مش سن محدد

و قفنا انا و الاتنين اللى معايا فى الطابو الطويييييييييييل اوي لغاية ما وصلنا اللجنة بس بصراحة كان فى نظام غير عادي و كل واحد ملتزم بالطابور و كانت ناس كتيرة اوي حاضرة .. حاجة تفرح بصراحة ..


انا دخلت فبسأل واحد من اللى موجودين قالي عادي بالرقم القومي سألت واحد تاني قالي لأ لازم 18 سنة

قولتله فى ناس أصغر منى لسه مصوتين ..قالى لا ازاي ده مينفعش أكيد صوتهم هيبقى باطل ..
بس الراجل يعنى اتكلمت معاه بأدب و هو الراجل كان محترم و حبني جدا

قالى و الله مينفعش قولته لا عادي خلاص .. قالي معلش وقفت كتير فى الطابور ..ههههه قولتله لا عادي مانا كنت مع صحابي ..

و خرجت و مشينا

بس نفسي اعرف الناس اللي لسه مكملتش 18 دي صوتت ازاي ؟؟

المشاركة الأصلية كتبت بواسطة Mohamed.Helmy

اه نسيت حاجة ...

كان فيه نسبة ستات و بنات غير طبيعية ..

لدرجة ان اتقفل عليهم الباب من برة لما الساعة جت 7 و ناس روحت من غير ما تصوت الاعداد كانت بيرة جدا سواء كانت رجالة او ستات ..

كويس انك روحت
المشهد دا تاريخي
الله اعلم هيتكرر تاني ولا لا
مع انهم شافوا البطاقة بتاعتي
وسني ع فكرة
انا 19 الا 3 شهور
يعني اعدي
بس اكيد الاحساس كان مختلف
كفاية الفرحة بس والمشهد الرائع
شكراا لك ياحاج محمد
وان شاء الله تكمل 18 ونشوف في الرئاسة