انا اسمي شريف معلم مساعد تاريخ التعين 2/2009 يعني لية سنتين بالعقد ومكنتش شغال قبل كدة بالحصة ولكن تم تعيني لانى من خريجى اللغات النادرة من محافظة سوهاج ولا ينطبق على قرار 53 طبعا لانى لسة مدخلتش امتحان الاكاديمية وكذلك لا ينطبق على قرار 75 لانى معدتش 3 سنين ولكن انا لية وجهة نظر كفاية تخريب فى البلد وكفاية اعتصامات تعطل العمل وياريت شوية صبر يامعلمين مصر شوية صبر يااصحاب الرسالات شوية صبر يا ورثة الانياء وحرام عليكم تعطيل للبلد الناس قالوا كلة هيثبيت لما يكمل 3 سنين لية بقى الفوضى وبعدين اللى مستعجلين على تنفيذ القرار مهو كدة كدة هيتنفذ بس اصبروا والمحافظات بدئت بالفعل فى التنفيذ قرار 53 وقرار 75 والمحافظات اللى متأخرة هتنفذ بس المعلمين يصبروا شوية ومحدش يقوالى ان احنا صابرين لينا زمان اصبر يا اخى كمان شهر مش حكاية عشان مصلحة بلدك وبعدين اللى بيطالبوا بالتثبيت من غير مايكون عدي ال 3 سنين او امتحن كادر ده مش من حقك بلاش فوضى انت عاوز تتساوي باللى تعب سنين او ذاكر واستوفي الشروط صدقوني ان كل اللى بيطالبوا بالغاء الامتحانات والكادر والدبلومة وال icdl دول شوية فشلة مش قدرين ينموا انفسهم وقال اه عوزين يبقى مربيين اجيال يا اخي اجتهد وطور نفسك وحقق المطلوب منك ومحدش يقولي اشمعنى باقى الوزارات كل مهنة وليها شروط خاصة بيها وكلاء النيابة بعد التعين عشان يترقوا لازم يقدموا قواضى يكونوا انجزوا فيها معاير معينة وبتراجع قوضيهم والا مايترقاش اساتذة الجامعه اللى عاوز يترقى لازم يقدم ابحاث ورسائل علمية وبيطلب منه شغل معين عشان يترقى ولذلك الترقية بتون من نصيب الدكتور المجتهداكتر وهو ده الصح وكمان خبراء وزارة العدل عشان يترقوا لازم يمتحنوا لكل ترقية والبنوك عشان يترقوا كل فترة قليلة بيخدوا دورات تدريبية معينة تخص المنص المرشح لية فكل مهنة ليها ظروفها ومتطالباتها واللى مش عاجبة مهنة العلماء ومش قادر يثبت انه جدير بيها ومش قادر يطور نفسة يروح يشتغل فى اى وزارة تانية وصدقونى برضك مش هينفع
|