[MOSTAFA093]

ارجع يا ريس.!

قام مجموعة من الشباب بعمل صفحات على الفيس بوك تطالب بعودة الرئيس السابق حسني مبارك مرة أخرى إلى الحكم وكانت الأسباب كالآتى:
ارجع يا ريس قبل العيد عشان نعرف نقول عيد مبارك.
ارجع يا ريس مش لاقيين اسم لمحطه رمسيس فى المترو.
ارجع يا ريس. تقريباً نسيت نور الصالون فى القصر مفتوح.
ارجع لحسن شكلك هيبقى وحش قدام السادات وناصر لما يسألوك مشيت ازاي؟
ارجع يا ريس. وحشنا ابنك جمال .
ارجع عشان ننزل التحرير تانى وناكل كنتاكى.
ارجع. بقوا يطبخوا ع الفحم فى اسرائيل.
طب ارجع يا ريس واللى اتفرم يتصلح.
ارجع ياريس. شارع صلاح سالم بقالو كتير مابيوقفش.
ارجع يا ريس دكاترة الضغط والسكر والقلب مش لاقيين شغل.
طب ارجع عشان تامر حسنى. أو تامر أمين.
ارجع يا ريس انا بقيت بتكلم فى السياسة براحتى.
ارحمنا وارجع بقي. مين اللى هيغير اسم 620 الف مشروع ومدرسة باسم سعادتك؟
ارجع ياريس شكلنا هنبقى من الدول المتقدمة.
ارجع بقى ده حتى هالة سرحان رجعت، يرضيك كده يعنى؟
يا ريس ارجع انا خايف رغيف العيش يكبر وأنا ناوى اعمل دايت.
ارجع بجد، دلوقتي لما مبيعجبناش وزير بيتغير، المسئولون اتبهدلوا من بعدك!
ارجع يا ريس، الإخوان بقوا بيطلعوا فى التليفزيون الحكومي.
طب بص. بلاش انت ترجع. بس جمال وعلاء ضروري يرجعوا قبل رمضان. هنعمل الدورة الرمضانية ازاي من غيرهم؟