السلام عليكم ورحمة الله وبركاته
في الاول بشكر كل مدرسين الدراسات الي مجهودهم رااااااااائع في المنتدى هنا
واحب اشكر مستر عثمان ربيع جدااااا على المذكرة الي عملها ونصحني اني اذاكر منها
وفعلا يا مستر حضرتك كلامك كل كان صح انا بفضل الله ثم بفضلك انجزت في الدراسات الترم التاني وخلصتها في وقت قليل بسبب المذكرة الي حضرتك عملتها
ربنا يجعله في ميزان حسناتك يا مستر والله انا كل اما اذاكر منها ادعي لحضرتك
دلوقتي انا امتحاني بعد 10 ايام ( ابناؤنا في الخارج )
وعايزة اراجع دراسات الترم التاني ومش عارفة
ولان في مصر لسة بادئين فمحدش من المدرسين عملوا مذكرات مراجعة نراجع منها
لكن احنا الي في الخارج في اشد الحاجة لمذكرات مراجعة
ولاني عارفة انها بتاخد وقت عشان تتعمل وانتوا لسة بادئين في مصر
انا بس عايزة حد يساعدني ويقولي اراجع ازاي من غير مذكرات مراجعة
وانا مش عندي كتب خارجية ولا مفكرة اراجع منها
ومحتاسة جدا في المراجعة عشان اراجع كل درس بياخد مني وقت طويل جدا لاني حاسة اني ببدأه من اول وجديد وببذل فيه مجهود
محتاجة حد يساعدني من المدرسين في القسم هنا
اذا حد من حضراتكم يعرف مذكرة كويسة للمراجعة يحطهالي اراجع منها
او حتى بس قولولي اراجع ازاي ترم دراسات كامل في يومين بس لاني عندي مواد تانية وامتحاني اول شهر 4 ومفيش وقت