[عاشق البلانكو الابيض]

المشاركة الأصلية كتبت بواسطة habiba hamdy

مش عارفه ليه عندى احساس ان البوابة اتحولت لموقع للزواج

هو انا اغيب يومين عن المنتدى يحصل كل ده
يللا الف مبروك

ما علينا
بالنسبة للمهر فأنا سألت ماما عنه لانى الصراحة مكنتش اعرف يعنى هو عبارة عن ايه
ماما قالتلى انتى بتسألى فى الحاجات دى ليه دلوقتى
شكلى كان وحش اوووووى الصراحة
تقريبا اختى مكنش فى ليها مهرماما قالتلى ان ده حسب الاتفاق وبيختلف من اسرة لأخرى
يعنى انا فاكره ساعة كتب الكتاب حضرته دفع حاجة رمزية

فى حاجة كده ماما قالتها لزوج اختى لما قالها انا عندى استعداد انى املى حياة بنتك
دهب والماظ

قالت له اهم حاجة انك تحافظ عليها وتراعى ربنا فيها
اصلا البنت مش بضاعة بتتباع ويتقدر بتمنها فلوس
البنت المحترمة قيمتها لا تقدر بمال
من الاخر الجهل حتى الان مسيطر على عقول الكثيرين
مفكرين ان لما البنت يدفع ليها فلوس كتير
يبقى هى كده قيمتها تكون كبيرة
على العكس تماما
اهم حاجة التوافق بين الطرفين
وما يأتى بعد ذلك لا قيمة له

تقبل مرورى استاذ محمود

هههههـ لا ولا موقع زواج ولا حااااجة
كلهااا مواضيع نقاشية علشان نعرف راى الجميع
ويا ريت الجميع والله يبقى زى مامتك ووالدك كده
بس فين ماااا بيحصلش غير كل فين وفين
ربنااا يهدى الجميع ويعرف الصح فين
منورة الموضوع