[Dr. Toka]

انا شايفة ان الموضوع قلب والحوار بقى فيه شوية عصبية انا بصراحة مع ان مصر تظل دولة اسلامية ومش مع اننا نشيل الالف واللام احنا ياجماعة طول عمرنا واحنا عايشين مع بعض مسلم ومسيحى من غير تفرقة كلنا واحد وطول عمر المادة دى كدة من اربعين خمسين سنة عمرنا ما صادرنا على حرية اخواتنا المسيحين بالعكس هما ليهم حرية الديانة براحتهم عمرنا ما اجبرنا حد منهم انه يدخل فى ديننا غصب عنه وعمرنا ما هنفرض دة بالعكس دة احنا دينا الاسلامى بيامرنا اننا نعاملهم كويس ونترك لهم حرية الدين هما خايفين ليه دلوقتى من موضوع المادة وبعدين الاخوان المسلمين مش هيحكموا مصر محدش يخاف وحتى لو حكموا وعملوا اللى اخواتنا المسيحين خايفين منه التحرير موجود وكلنا ساعتها هننزل اصلا هما هيخافوا يعملوا كدة عشان الناس ماتهجش عليهم وبعدين اصلا المسلمين نفسهم جزء كبير منهم مش عايز الاخوان يبقى هما لو وحشين فعلا عمر ما حد هيختارهم وبعدين عمر ما تطبيق الشريعة الاسلامية بحق ربنا هيبقى حاجة وحشة بالعكس سورى يعنى اللى بيقول كدة هيبقى بيغلط اوى لان المعروف ان كل مانتمسك بالدين ونطبقه صح كل ماربنا يكرمنا ويساعدنا نكون اعظم امة الرسول عليه الصلاة والسلام ومن بعده الصحابة طبقوا الشريعة الاسلامية وكانوا اعظم امة وكانوا عايشين مسلمين مع مسيحين فى سلام انا مش فاهمة انتوا خايفين من ايه دة احنا ديننا من ايسر واسهل الاديان ودين كله سماحة دة احنا المفروض نتبسط ان مصر دولة اسلامية تحكمها شريعة واحدة مش شرائع كتير ساعتها الدنيا هتتلخبط والعيشة هتبقى مش طبيعية هى الدول اللى مطبقة اكتر من شريعة دى تفتكروا عايشة سعيدة طبعا لا حياتها مليانه مشاكل وتخبطاط وبعدين نطبق الشريعة الاسلامية ونعيش مع بعض فى سلام ولا نتحول لدولة علمانية كلها انحلال والامثلة كتير ومش بعيد نبقى زى تركيا وبدل ما تبقى مصر 90 فى المية من مسلمينها محجبات يمنعولنا الحجاب واللى عايز بقى يصلى يصلى واللى مش عايز براحته واللى عايز يشرب خمرة يشرب ماهى حرية بقى الاحسن نفضل دولة اسلامية وتطبق فيها الشريعة الاسلامية وفى نفس الوقت نعيش مسلمين ومسيحين فى امان وسلام واخوات كل واحد فينا يحترم االتانى