نص مليون إيه يادكتور عصام هو لما يكون معاه نصف مليون هيعمل مظاهرة ليه؟ النصف مليون دا تجيبوه من الحرامية اللى سرقوا الشعب وسابوا مصر على الحديدة ومش عارفين تخدوا منهم لا حق ولا باطل . أنا ضد الاعتصامات والمظاهرات اللى هتوقف البلد بس عمرى ما هتنازل عن حقى. مش حضرتك جيت ميدان التحرير وقلت انا جاى أخذ شرعيتى منكم أنا عايزة حقى فى البلد
محافظات اتثبتت ومحافظات لا ليه؟
واحد بياخد مليون جنيهة والتانى بياخد 300 جنيهة ليه ؟
انبوبة الغاز بتقف على اسرائيل أرخص مننا ليه؟ لية بنشتريها بالعملة الصعبة واسرائيل بتاخدها بالمحلى ليه؟
خير مصر فين يادكتور ؟ قولنا فين أثارنا ؟فين أراضينا ؟
أحنا حسينا أننا أغراب فى بلدنا الغريب بتعامل معاملة أحسن مننا علشان بيدفع دولار واحنا بندفع شقى وتعب .
عملنا الثورة ولسه عايشين فى العصور الحجرية ليه؟ لسة ناس كتيرة بتعمل بسياسة الظلم والفساد ليه؟
محدش هيحب مصر أكتر مننا ومهما تقسى علينا أحنا بردوا اللى هنستحملها ومفيش حد هيطورها أكتر مننا فعلشان كدة لازم حضرتك تهتم بالتعليم بالطالب والمعلم والأبنية المدرسية والمناهج الدول التانية بتتقدم علشان بتهتم بالتعليم لانها لو نجحت فى التعليم هتنجح فى جميع المجالات الأخرى .
|