[Mr. Ali 1]

المشاركة الأصلية كتبت بواسطة yara attia

بسم آلله آالرحمن آلرحيم

آلله يخربيت آلتكآتك دي
هههههههههههههههه

في دلوقتي ظاهرة انتشرت بطريقة فظيعة جدا وهي التكاتك

هي من ناحية مفيدة لناس وبتبقي سبب رزق ناس وفي ناس بتستخدمه لحاجات تانية

احنا عندنا امبارح بالظبط حصل مصيبة في بلدنا والدنيا مقلوبة عندنا بسبب التكاتك دي

عندنا اتنين زمايلي معايا في الدرس اتخطفوا بس التكاتك دي ولحد دلوقتي مش لقينهم وحالة اهلهم بالبلي

وكل واحد بقي خايف ع ولاده لدرجة ان اهلينا عوزة تقعدنا في البيت من الدروس والمدراس

كل كده وانا كمان اتخنقت مع امي وابويا بسبب الموضوع

وهما اساسا بيخافوا عليا والموضوع ده خوفهم اكتر واكتر

انا عارفة انها حاجة حلوة ان الام والاب يخافوا علي اولادهم

بس مش بالطريقة دي
امال عايزاهم يخافوا عليكي ازاي في المشكلة دي ؟ يشتروا ليكي توك توك

عارفة انهم بيعملوا كده من حبهم فيا

بقولهم مش كل الطير الي يتاكل لحمه
طبعاً وانتي أكيد لحمك مر

قالولي ياختي اترمي في حتة ده انتي بتخافي من النملة مش هتخافي من الشمامين والبلطجية
المفروض تسمعي كلامهم يا يارا وتترمي في حتة في البيت

والله المفروض التكاتك دي يولعوا فيهآ

صحيح نسيت اقولكم ان واحدة من البنات الي اتخطفوا دول منقبة والله طالبة في تانية اعدادي ومنقبة

حاجة جميلة مش كلامكم البسوا محترم عشان مش يحصلكم حاجة

اهي منقبة اهي

واتخطفيت ومتحرمين كمان
بس دول مخطوفين يا يارا وفيه فرق بين المعاكسة وبين الاختطاف

ربنا يرجعهم يارب بالسلامة

آنتم آيه رآيكم في آلتكآتك دي وموضوع آلبنآت آلي آتخطفوآ ؟؟؟

المشكلة مش مشكلة توك توك ( مع ان المفروض يتم وضع ضوابط له زيه زي السيارات ووسائل النقل , مش كل عيل يركب توك توك ) الخطف موجود من قبل وجود التوك توك . فيه عندنا بنت اتخطفت بسيارة ميكروباص , يبقي نولع في الميكروباص كمان ؟!
المشكلة عندنا مشكلة أمن ومشكلة ان ناس كتير بتكون شايفة وبتعمل نفسها مش شايفة وكل واحد يقول وأنا مالي . وأكيد اللي خطفهم أخدهم من منطقة موجود بها ناس .
والمفروض ان أي بنت تركب توك توك وتلاقي السواق اتجه لاتجاه غريب , تصوت علي طول وتلم عليه الناس .
ربنا يرجعهم بالسلامة ويطمن أهلهم عليهم ويحفظ كل البنات .
شكراً علي الموضوع يا يارا واسمعي كلام بابا وماما .