بلدنا خنقانا بإيديها و ظلمانا طول ما عايشين عشنا فيها سنين و سنين و احنا مخنوقين
مشوفتش حكومتها .. طيب جرب تشتمها .. جربت في عز ما تيأس تكتب اغنيه تبهدلها
مشتمتش في حاكمها .. اللي سرقها و نهبها .. ومبقاش ليك ذكري علي اسوارها كانت في زنازين اقسامها
دور في ذاكرتك تلقي ان مفيش أمل ولا حل ,, انحرفت البنات و الشباب حط جل .. الحل ما بقاش سهل
يمكن ناسي لانك فيها .. متشرد في حواريها .. بتدور علي لقمه العيش ... و ياولداه مش لاقيها
بس اللي مجرب و لاففها يعرف كلماتي ايه معانيها
غاليه بلدنا علينا .. و الاسعار بتقطع فينا.. ومدام هوا فيها يا صاحبي واللا لتتهد علينا
احنا اللي فيها .. مبقاش ف ايدينا نديها .. اهي ماتت بلدنا يا صاحبي و ضاع الامل فيها
انتخابات كوسه .. صوت بصنيه بسبوسه .. انتخب اللي تعوزه و الحكومه ما عليها
بلطجيه في اللجنه .. شوف السيف و السنجا .. بص التلت و رقبتك اجري اصله جاي عليها
معلش يا صاحبي اكمني .. زهقتك مني .. لكن اعذرني و فوق و اعرف بلدك واللي فيها
تعديل ماده قديمه ... طيب ضيف واحده جديده .. مش هتفرق يا حاكمنا ما اللي تقوله سيف علينا
سجد و نيّم فينا .. و تيجي تبوس ف ايدينا .. تمشي الكاميرات يا ريس .. تنزل بكرابيجك علينا
ديموقراطيه و عداله .. تعديل وزاري و استقاله .. اغتيال الكابتن و الكوتش جاتله حاله
هيا لعبه وعارفها
مهو اصل الحل في تكتيفها
اشغل في بال ابونا
و صغر في ام رغيفها
شوف في بلدنا يا ريسنا تلاقي القتل وتلاقي النصب
ارحم شوية يا ريس .. و كفايا سرقه وكفايا نهب
هيا حلاوة يا ريسنا ؟ ما كفايا كدا علينااااااااا
انا مقولتش حاجة يا جدعاااااان ههههههههه يالا بقه فرصه اكل عيش و حلاوة بس لو سمحتوا اللي جايلي يجبلي بدل الحلاوة جبنه رومي عشان بموت في المكرونه
عايز رأيكم بقه
اشتقت يوما ان تعود بلادي !!