عفواً لكم مسلمين و مسيحيين
أنا مسيحى و عارف اننا أقلية بس أنا عمرى ما سألت نفسى ده ايه و ده ايه
انتم مسلمين و مسيحيين حولتم المنتدى لساحة حرب و تراشق بالكلمات
انتم مش المسلمين اللى أنا أعرفهم و لا المسيحيين اللى أحنا نعرفهم
اتركوا حروبكم فى المنتدى و شوفوا حقيقة الشعب
ده مش وقت مين حما مين هو مش وقت اللى قدم شئ يقبض دلوقت
لازم نحب مصر بجد مش لازم نولع فيها أو نخلى الناس تتفرج علينا
عفوا فلقد كنا سوياً مسيحيين و مسلمين شهداء
عفواً فلقد حمينا الجامع و الكنيسة سوياً فهذه ديار الله و اجرنا عند الله و لن ننتظر المقابل من بشر
هذه بلدنا كلنا و لم و لن نتركها لأى أحد أمريكيان أو يهود
مصر بلد المسلم يحافظ على اخية المسيحى يساعده و يأخد بيده
و هى بلد المسيحى يساعد و يعلم أبناء المسلم فى الفصل اللى بيدرس فيه
عمر حد فيكم دخل فصل و قال حعلم المسيحيين بس و المسلمين بس
كلنا اخوة و النفخ الكثير فى الرماد يولعها تانى نار
فيه سلبيات من عندكم و من عندنا عشان ما أتعلمتوش تحبوا بعضكم
أما أنا و اصحابى أتعلمنا نخاف على بعض و علمنا ولادنا يحبوا بعض
مصر أمانه فى ايدينا و ايديكم و ربنا حيحاسبكم
و يا سيدى مصاريين البطن بتتعارك
فبرجاء خلونا نحب بعض و نعلم ولادنا تحب بحض فالدين الحق للكل هو التسامح و الحب
و سامحونى أذا كنت أسأت اختيار ألفاظى أوكلماتى فأنا أعرف انا بنحب بلدنا أكثر من أى حد تانى و مش حنشمت فينا اسرائيل و لا ندى امريكا فرصة تعمل زى ليبيا فالصواريخ لا تفرق بين المسلم و المسيحى
سنحمى بلدنا بجوامعها و كنائسها
سنحمى ولادنا مسلمين محبين للمسيحيين
|