[هانى الشرقاوى]

ههههههههههههه
الموقف دا حصل معايا قبل كدا بالظبط
كنت انا واتنين من أصحابى رايحين اسكندرية صحرواى
والمواصلات أحسن من القطر وأسرع كمان
الاجرة مش فاكر والله كانت تقريبا 21 جنيه
السواق فى نص السكة طلب الأجرة
وبعد ما الناس كلها دفعت ... قال لأ يا جماعة
الأجرة زادت 2 جنيه ...
الناس طلعت ودفعت بدون كلام ...
احنا كنا متاكدين إن الاجرة هى هى
مدفعناش ...
فضل يعيد ويزيد لسه 6 جنيه
قولتله ... مفيش فلوس يا ريس
أنت اخدت حقك ... ومفيش زيادة على حقك
اتجنن وقال ازاى دا ؟؟
قولتله هو كدا ... الأجرة هى 21 جنيه ...ومفيش غيرها
لأ .. خلاص هنزلكوا هنا ...
وقف بالعربية
وبكل حماقة بقولنا انزلوا ...
صاحبى قاله : مش نازلين ... ويا توصلنا اسكندرية.. يا ترجعنا القاهرة
فضل واقف يطلع 15 دقيقة
وكل امله غنه يسرقنا ..
اللى غاظنى جدا
الست اللى تقوله يا ابنى ادفعوا بقا حرام عليكو هنتأخر
ولا الشاب اللى يقولى ... يا عمى مجتشى من 2 جنيه
ولا الراجل اللى قال .. اطلع ياسطى وأنا هدفع ال 6 جنيه
طبعا مسمحتش .. إن حد يدفعلنا الفلوس
وطول الطريق عبارة عن خناقة
وأول ما وصلنا الموقف
عملت فى السوق دا موقف يطلع من عينه
رحت لسواق تانى فى الموقف
وقولتله : من فضلك يا ريس الاجرة من القاهرة ل هنا كام ؟؟
قالى 21 ... زى ما احنا دفعنا ...سمعت الناس الكلام دا
وكلهم فضلوا لحد ما كل واحد خد فلوسه
هههههههههههه

ملحوظة : انا مش فاكر الأجرة ... كانت 21 جنيه ... ولا 18 جنيه

مشكور يا محمود على التوبيك والموقف الجميل