[أ/رضا عطيه]

محاكمة شعبية كلامية كالعادة ياسادة بينفذوها
دعاة الديمقراطية!
رويدا رويدا هتوضح الصورة والكلام والفعــل
هتترفع الضبابية!
وأفكار مثعلبة ومعاها إشاعات فى البلد قنابـــل
نوويــه وذريــــة!
والخائن زمان صبح شريف والمصرى الحقيقى
خيبته قويــــــــة!
لاصبح فى إيديه حل لبلده ولاحد سامع له أه ولا
لـه أى ديٍٍِّـــــــه!
ومين راح يعترض من النهارده بسيطه--- راح
نطلّع له مليونيه!
وسلام على وطن ***ه الفساد ووجوه جديده للفساد
بيكملوا التمثيلية !
بعد ما صبحت مهلبية ومحتاجه لألف عملية
--------------------------------------------
جورج قرداحى بيغيب مين؟؟؟ قال إيه بيعلم على
الإخوان المسلمــين !
وألف خط يا---- البط لو يتحط هيتحط مليــــــون
تحت مين ولامين !
تحت (كفايه) اللى تاجرت بدم المحلاويه وصور فى صحف وفضائيات ملاعين!
ولا(جبهة التحرير) اللى ولعت فى العمال وساعة الجد سحبتوا أزلامكم المندسين!
ليا ماض معاكم وراجعوا صوركم هتلاقونى مصاب ومتربط إيدين ورجلين !

وكل اللى عملتوه معانا ومع مشاكلنا وفرتم لنا جيش
م الصحفين والمصورين!
فجأة ومن غير مقدمات صبح الجبناء والمنحلين قواد الثورة للحرية ووطنيين!
ورغم إنى كنت معاكم وفكرى ماشىعلىهواكم لكنى
عرفت سياستكم مخادعين- مثعلبين !
وهناك فرق كبير بين الدفاع!!! والمهاجمين !!!!!!
ياليل ياعين -- وحقنا هنجيبوا منين؟؟؟
------------------------------------------------

ويخرج علينا مناضل شريف!! يسمى عصام الشريف
مجهول عن كل الناس لكن فى الفتنه لعيب !!حريف !
بيهدد بمليونية ف شرم الشيخ ودعوة رعب وتخويف
عارف كم شاب من عيلتنا بس هناك يا أبودم خفيف؟
ناس بتكافح بحق ربنا--- لايعرفوا كافيار ولابولبيف
خليك فى الميدان تبعكم واللىعايزه يجيـــلك ياظريف
ولإمتى هنصبرعلى من يعيش فى نعنشـــــه وتكييف
واحنا الغلب مالينا وبنسأل ربنا--- فى حق الرغيف!!
دول محتاجين لعادلى تانى وسرور ونظيف والشريف

الجهل جهل والصبر رحمة ولوى الذراع تخاريف