اقتباس:
المشاركة الأصلية كتبت بواسطة KHALOOOD
السلام عليكم
انا هدخل فى الموضوع عشان مطولش عليكم
ممكن كتير من البنات ميصدقوش الموضوع ده
بس والله الموضوع ده بجد
الاول انا هحط عنوان تانى للموضوع
وهو
فى حب للدرجادى
ياجماعه فى واحده بتحب كده
عارفه ان نهايه الحب اللى بينهم الفراق
وهم الاتنين متاكيدين من كده
وياما قلها يابنت الحلال انا عايز مصلحتك
احنا عمرنا ما هنكون لبعض مع العلم طبعا انه بيقولها كدا مش من قلبه بالعكس هو بيتقطع من جواه بس هوخايف عليها اوى لدرجه انه ممكن يجرح قلبه عشان مصلحتها وبرده مفيش فايده
هى بتقولوا انا عارفه ان احنا مش هنكون لبعض
بس سبنا نعيش الحب دلوقتى
والمستقبل محدش عارفه |
قبل ما أقرا اي رد
هرد عليك واقولك المفيد
انا معترف بوجود الحب
متفقين عليها
بس اللي قد نكون متخلفين عليه تعريف الحب
الحب عندي .. اني افكر بقلبي و احس بعقلي
يعني مسمحش للحب انه يلغي تفكيري نهائي
وفي نفس الوقت مسمحش لعقلي انه يضيع لذه حياتي
البنت بطبيعتها عاطفتها مسيطره اوي
الولد اينعم عاطفته مسيطره بس مش زيها
البنت لما بتحب مش بتشوف غير اللي بتحبه بس قدامها
والولد كدا برده بس مش في كل الاحيان
طيب متفقين علي المسلمات دي
الحل
ان الولد ده لازم ياخد موقف لو هو بيحب البنت دي بجد لان في زمانا الحالي و دلوقتي و الحاله المبشره اللي في بلدنا .. عقلنا ميسحملناش اننا نعلق حاجة زي دي علي حبال المستقبل
يعني الولد ده يقولها كمان مرة و يسيبها مهما كان موقفها و مش مشكلة جرح صغير احسن من جرح كبير و وشوية و كل حاجة هتتنسي .. انا عارف لو انا قولتلك علي الكلام ده وهم انت مش هتصدقني عشان انت فيه .. لكن لما بطل الحكايه دي يكبر شوية و عقليته تتسع و يقابل مسئوليات الحياة .. صدقني هيتغير كتير
فياريت تقوله
لو بيحبها بجد يسيبها . و ميعلقوش بعض ببعض اكتر من كدا . و يا سيدي لما الظروف تسمحله عشان يرتبط بيها يروح من الباب علي طول . حتي يقري فاتحه و دي تبقي اول خطوة إيجابيه هوا هيعملها ,, ده من رأيي
اتمني الإفاده