[Mohamed.Helmy]

المشاركة الأصلية كتبت بواسطة habiba hamdy

البيت بيتى

ماشى
افتكرت حتة موقف لغاية دلوقتى مش قادره انساه
مش عارفه ده يندرج تحت اى مسمى بجاحة ولا قلة ادب ولا وقاحة
كنا فى الدرس وبعدين المجموعة كان اغلبها اولاد لانها مش مجموعتنا
كان فى بنات لكن مش كتير
المهم دخلنا القاعة وبعدين مكنش ينفع نقعد انا وصحبتى جنب بعض علشان المكان
وقعدت هى فى الصف اللى قدامى وكان فى جانبها كرسيين فاضيين وبعدين الاولاد
دخلت بنت عارفاها انا كويسة وحلوة
الطبيعى ان البنت دى تقعد جنب مين؟؟ صحبتى وتسيب كرسى فاضى بينها وبين الولد
راحت البنت وبكل بجاحة قعدت جنب الولد وحطت مذاكرتها على الكرسى اللى جنب
انا وصحبتى بصينا لبعض وتنحنا
اصلنا سوس شوية
وقاعده بقى تقريبا اتصاحبت عليه وبتبص معاه فى المذكرة ورغى بقى وموبايلات وكده
انا كنت قاعده مراقباها
تقريبا المستر مش اخد باله لانهم كانوا اول صف
سكرتيرة المستر جت وزعقت للولد
اصلها كانت فاكرة ان الولد هو اللى قعد جنب البنت
ياترى الموقف ده يندرج تحت اى مسمى؟؟
صراحة بجاحة دى كلمة صغيرة
لو عندك حاجة قولها
معلش طولت

يا نهار أبيض

للدرجة دي ؟!!!


ملهوفة عليه ليه يعنى ؟!



بجد دي تبقى بجاحة و وقاحة و كل حاجة و الله ..

بجد بستفزني اوي المواقف دي ..

حصل معايا موقف قبل كده .. كنا بناخد حصة جيولوحيا و أحنا 3 بس

انا و اتنين اصحابي محترمين و كويسين ..

و هي المجموعة بتاعتنا 3 بس ..

كان فى حصة أجلناها ساعتها و روحنا ناخدها فالمس أديتنا ميعاد و طلع فيه مجموعة بنات ..

و كانوا هياخدوا نفس الحصة بتاعتنا فالمس عارفة اننا كويسين يعنى و قالت ايه رأيكم تكملوا مع بعض و تبقوا مجموعة واحدة ..

سمعت و الله بجد حوالي 4 في نفس النفس ايوة يا ميس ايوة يا ميس ..

يا نهار أبيض ..

الواحد كان فى نص هدومه .. بجد انا اتكسفتلهم ^^

بس طبعا انا قولت للمس معلش انا همش و هنبقى ناخد الصحة دي فى وقت تاني و طبعا أخدنا انا و اصحابي الاتنين لاخر السنة لوحدنا .. هي ناقصة

الميس بجد كانت مكسوفة مننا من اللى حصل ..

ربنا يستر بجد الايام الجاية دي ..


شكرا يا حبيبة نورتيني و الله ^^