[THE CodeR]

المشاركة الأصلية كتبت بواسطة نقاء الروح

اهلا بحضرتك

الحمدلله ان الموضوع دا عجبك
علي فكرة انا اتخانقت مرة مع مشرف هنا في المنتدي
عشان النقد الصريح بتاعي للمواضيع
لكن الحمد لله جت سليمة :D

احم ندخل فالموضوع
حضرتك اثرت كذا نقطة بس بشكل مختصر اوووي
وفيه بعضها مش فهمتها كويس
فياريت لو تفصل اكتر

بالنسبة للنقطة الاولى غريب انا مش شوفته المشرف دا
ومعاك في انه مش المفروض يتعين الا فحالة مثلا انه القسم بتاعه مافيش غيرو
بس انا مش فاهمة ايه علاقة
تعيين مشرف عنده 150 مشاركة بس بمشاكل حصلت بين ناس كبار !
ياريت لو توضح اكتر
قلة خبرة هذا المشرف سببت مشاكل بينه و بين اعضاء كبار
إنا مش فاكر بالظبط مين العضو الكبير ده لكن فاكر المشرف كويس
الغريب اني لقيته مرة واحدة بقي مشرف كده من غير انتخابات او حاجة يعني
او ربما غاب عني شيء في الموضوع والله اعلم
لكنه ضايقني في البداية

النقطة التانية هتركها لاستاذة ام شاهندة
هي ليها المقدرة على الاجابة اكتر مني اكيد
بس ياريت لو تذكر امثلة عشان تتضح الصورة
افضل انك تسألي الاستاذة ام شاهندة
فقد حضرت اخر ايقاف لعضوة علي المنتدي
اسأليها و ستعرفي ماذا اعني

النقطة التالتة بصراحة لا اقدر على الحديث فيها
لان فيه حاجات حصلت كانت مجهولة ولازالت
لكن ال وصلها للدرجة دي الاعضاء مع جانب من الادارة
عشان نكون عادلين دا بالنسبة لل كان ظاهر ليا !
و افضل عدم الخوض في هذا الموضوع لان الادارة علي علم كامل بما حدث

النقطة الرابعة بردو أ/ ام شاهندة احق بالرد عليها
لكن ارجو ذكر امثلة من فضلك
عشان نبقى فالصورة
لأن احيانا بيتم الايقاف مش عشان الشكوى فذاتها
ولكن للاسلوب ال بتقدم بيه وال بيتم التكلم بيه
انا اتوقفت شهر كامل
و كان موضوعي و شكوتي كانت محترمة و مشتمتش حد ولا اهنته
و كانت شكوتي مدعمة بأقتباسات بأسماء الاعضاء و لقيت ردود لم تقنعني شخصياً
و في النهاية تم رفض الشكوي
لم احزن لذلك
لكني تفاجأت بإيقاف لمدة شهر
و هذا ما ادعوه ظلماً
انا بتكلم بشكل عام ! وبانتظار رد أ/ ام شاهندة و توضيح حضرتك

لا ان شاء الله مش هيكون فيه ايقاف او اي شيء
لكن ملاحظة شيء من العصبية او الشد فاسلوبك
لا داعي لذلك فهو حوار اولا واخيرا ^^
دي مش عصبية ولا حاجة
بس اللي اتظلم صوته بيكون عالي
ونريده حوار هادئ لنصل فالنهاية لشيء
وان شاء الله الادارة هتقوم بالرد على الاستفسارات جميعها

شكرا لمرور حضرتك الرائع

وبانتظار عودتك ^^

نداء الي الاستاذ علي

استاذي الفاضل
قد لا تكون علي علم بكل ما حدث علي المنتدي من مشكلات
و ربما لكونك جديداً في هذا القسم
لكني سأشرح لك بأختصار ما حدث منذ وجودي علي المنتدي
دخلت علي المنتدي منذ فترة كبيرة اظن انها كانت منذ سنتين تقريباً علي عضوية اخري
و من ثم هذه العضوية
و قد حدثت مشكلة في احد مواضيع المنتدي كان سببها بسيط للغاية
و في هذه المناسبة ظهر سوء تعامل احد اعضاء الادارة مع الاعضاء و قد عرفت ذلك من العضو نفسه
و من ثم جائت انتخابات القسم العام التي تعد من اسوأ فترات حياة هذا المنتدي و اغزرها بالمشاكل
و كان فيها العجب العجاب
و كنت قد تدخلت في احد الحوارات المشتعلة لهذه الانتخابات التي انتهت بإيقاف عضو او عضوين علي ما اتذكر
و قد وكلني ثلاثة اعضاء لتقديم شكوي في الادارة
و بالفعل قمت بتقديم هذه الشكوي و دعمتها بإقتباسات و ردود و رسائل خاصة و طالبت فيها و بكل أدب معاقبة المذنب فيها
فكان الرد من الادارة رفض الشكوي
و ايقافي لمدة شهر كامل
طيب ليه تم ايقافي هذه المدة لمجرد شكوي لم تكن بأسلوب غير محترم؟؟؟
و من بعد ذلك تم تعيين بعض المشرفين بنائاً علي نظام القائمة النسبية و إن صح التعبير
نحن لم نختار المشرف الممثل لنا
وليس كل من تم اختيارهم منصفين و عادلين (انا لا اسيء الي احد في هذه العبارة )
و بعد ذلك استقال مشرف لطالما ظننت انه كان محبوباً و هو BaNZeR
لذلك كنت اود ان اقدم رأيي
اود ان احدث تغيير في بعض القوانين
و هي الاتي:
- ان يتم عمل انتخابات لاختيار عضو يكون مشرفاً مع ثلاثة اعضاء تم اختيارهم من الادارة
- لهذا العضو الحق في الطعن في اي قرار يتخذه مشرف اخر في نفس القسم ، فإن تم التوصل لحل علي صفحات المنتدي فليكن ، و إن لم يتم التوصل لحل فيتم سرد الحدث في قسم خاص يتم انشاؤه للمشرفين فقط و اجراء استطلاع اراء و معرفة قرار الادارة في هذا الصدد
و هذه فكرة مبدئية
و اريد من حضرتك رفع الفكرة لمستويات اعلي من هذا المستوي لتتم مناقشتها
و اود ان اعرف رأيك فيها
و شكراً