[LoOoLy El Treikawya]

المشاركة الأصلية كتبت بواسطة تسابيح النجوم

احم احم
أهلا
مالكم بالإشراف بئا

خلص تارك طفى نارك
هههههه مش اشراف بس يا تسابيح دة اشراف ومشاغبة الاعضاء بنناقش الاتنين

شوفوا بئا بجد الإشراف دا متعب مش زي لما الناس شايفة
انه سلطة بئا وتحكم في الأعضاء
صراحة أنا عن نفسي في الفترة الأخيرة
تقريبا كداا مش بدخل ,ومقصرة في القسم جامد
ما علينا المشكلة هتتحل قريب ان شاء الله...

حسك معانا يا قمر
اعتقد عشان كدة بيبقى فيه اكتر من مشرف للقسم عشان لو مشرف عنده ظروف مخلياه متغيب يتابع الآخر
ميهمكيش ان شاء الله تتحل

نرجع للموضوع الأصلي
أنا مش شايفة أن الإشراف في المنتدي هنا متسلط
بجد مشعشان انا في الإشراف بس دا بجد

لكل قاعدة شواذ

الفرق بين المشرف والعضو
فيه فرق شاسع
بين انك تكون مشرف وانك تكون عضو
عضو بتدخل بمزاجك ,مش مهم تقرأ اي موضوع
عنوانه ف القسم مش عجبك
مشاركتك قليلة ...
بغض النظر ان دا لا ينطبق عليه لان المشاركة عندي اهم لازم الواحد يوصل صوته

الإشراف لازم تتابع القسم ,وكمان تقرأ كل المواضيع
حتي لو هي مملة ولا تستهواك ...

عشان كدة عمرى ما افكر اكون مشرفة فى منتدى مشهور
فعلا مسئولية جامدة ومتعبة

الزعل بين المشرف والعضو
لأن مثلا القسم العام دا مشهور
فكل الناس بتحط المواضيع وعايزة اكبر عدد يشوفها
حتي لو القسم مش مكانها ولو نقلها الإشراف يبقي حصل مصيبة !!!ويبقي فيه زعل
والكل يفتكر ان المشرف بيعامل الشخص لشخصيته
وليس كأي حد في المنتدي ....وفيه ناس مش بتتقبل
الموضوع بصدر رحب ...!!
هي دي المشكلة
مع انه لو في الإشراف هيعمل كداا...
بعدها بتلاقي رسايل كثيرة وخناق بئا ,كأن المشرف
فيه تار بايت بينه وبين العضو

فعلا دة فى احيان كتير بيكون سبب للخلاف بس مش علطول بيكون دة السبب الوحيد
يعنى مثلا انا لو مشرفة وعضو عمل حاجة مخالفة هحاول اوصل للعضو ان اللى عمله دة غلط من غير ما احسسه بالحرج ومن غير ما اكون متحفظة واقول دى مخالفة ولازم تتحذف ولازم كذا

يعنى هحسس العضو انه مسئول زيي من المنتدى وهو بنفسه
يعنى كل المطلوب تغير الاسلوب عند تطبيق القوانين عشان لا يضيق صدر الاعضاء لان فى اعضاء بتغلط من غير ما تقصد او من غير متكون عارفة ان دة ممنوع

أم موضوع ليه انا بقيت مشرفة
دا مش بسببي طبعاا....وقتها اتعمل ترشيح
ولا انا حتي رشحت نفسي
ولقيت فيه ناس صوتت عليه
فجت كدا يلا
ومش كان في دماغي الإشراف من أصله...
وع فكرة الإشراف بالنسبة لي ...شيء عادي..
يعني مش يستاهل ان الواحد يزعل عشانه..
لان وقت الإشراف كان فيه ناس زعلانة انها مش بقت مشرفة ...
وفعلا فيه ناس تستحق تبقي في الإشراف ,وناس مش
تستحق تبقي في الإشراف بردو زي
شكراا ع الموضوع يابنات

ههههههههه ربنا يخليكى
بس انا اتفق مع ان الاشراف يبقى بتصويت الاعضاء
واعتقد دة هيكون ليه دور كبير فى حل المشاكل وساعتها مش من حق اى عضو يزعل انه مبقاش مشرف
يعنى عاوزين ديمقراطية بقى ثورة وحرية وكدة

بس بجد انتى نورتينا يا تسابيح النجوم

وشكلك عسولة اوى اتمنى اعرفك اكتر