[harry_potter]

المشاركة الأصلية كتبت بواسطة x-designer

بسم الله الرحمن الرحيم
السلام عليكم ورحمة الله وبركاته

شـىء مؤكد هو ان الاهـل يخافون علي اولادهم يسـعون لمصلحتهم ومـا يفيدهم لكـن هـذا يجب ان يكون بحذر شـديد
والا سيـكون تقريبا للنار من الوقـود وسيـكون سلبي .

بالطبع يعاني معظمنا من هذه المشكـلة علي الاقل هؤلاء
الذين في الثـانوية العامـة فكثـير او قليل من المذاكرة امامهم قـليل جدا بصـراحة موضوع معقدة شدة التعقـيد من تجربتي
الشخصيـة يضر ولا يفيد اعتقـد ان الشـاب في 16 او 17
سنـة قـادرا وبشـدة علي اتخاذ قراراته وان لم يكن فحان
الوقت لنتركه يتحـمل اعبائه ونتائج افعـاله حتي لا يكبـر
فردا في المجتمع غيـر قادر علي ادارة شؤون حياته.
انا معاك ف كدة ولكن عندي اعتراض وهو ان الشاب ف السن دا قراراته بتبقي طايشة
يعني لسة معندوش خبرة والمفروض ع الاقل يعمل بالنصايح بتاعت والديه
وهذا ليس معناه انه ميجربش انه يأخد قرار بس بحكمة
وعليه انه يتقبل رأي والديه وميقلش اني صح لانه كدة بيينظر من نافذة واحدة ........
لمـذاكرة ليـست كل شىء ياعالـم واقول دائما الثانوية
العـامة لا يجب ان تنقلب لتصبح هي حياتك التي تعيشها
نعم وضعنا في هذا الموقف لكـن لماذا ؟ وهـل هذه المناهج
مقيـاس لذكاء الطـالب هل المتفوق هنـا كما يقـال " موس
مذاكرة " ام هذا مقيـاس لمدي ذكائه وابتكـاره وعلمه؟
انا شايف ان المناهج بتقيس درجة قليلة جدًا من ذكاء الطالب
ويعتمد الباقي ع الحفظ والدش
يعني ابتكار الطالب ع الاقل بيبان ف مادة زي الرياضة
لانها مستحيل تتحفظ .......
شـاركوا رأيكم معي

هل عانيت او تعاني مشـكلة الاهل ؟
معظم الاوقات بنسمع كلمات "قوم ذاكر ,مستقبلك ف ايديك
الكومبيوتر مش هاينفعك "
هل هنـاك حل لمشكلة الاهل ام هي ليست مشكلة؟
افضل حل انك تقوم تذاكر
وتحاول تفهمهم انك انسان يعني ليك حدود للمذاكرة
ولازم تفك شوية عن نفسك
وبعدين طول ما انتا بتذاكر لنفسك مش علشان هما بيقولوا كدة اعتقد انهم هايحسوا بفرق
ويشجعوك اكتر

هـل نصائح الاهل مفيـدة ام عكسيـة؟
نصائح الاهل بتبقي مفيدة بس لو خرجت عن حد الشدة ف النصيحة
يعني تنفيذها ف الحال
بتبقي سلبية ع الطالب وبتخليه يعمل عكسها
وكما يقال الممنوع مرغوب
هل فعلا يجب للاهل ممارسة سلطتهم بحجة ان ابائهم
لا يعرفون مصلحتهم ؟
صعب ان الاباء يفكروا كدة
هو بيبقوا فاكرينا اننا مراهقين لسة معندناش خبرة
هل من الممكـن ان نعترف بفـاشل في التعلم علي انه عـالم اذا اثبت ذلك خارج ميـدان التعليم ؟
ليس كل عالم ضروري ان يكون فاشل ف تعليمه
ولكن ونعم من الممكن الاعتراف بذلك اذا هو اثبت ذلك

هل يكـتب علي من يدخـل كلـية التجارة نهـاية حياته وتطلعاته واحلامه ومستقبله ؟
انا لا اظن ان نهاية كلية التجارة او الاداب
بتكون نهاية
فممكن اني معتمدش ع الكلية واحاول اأخذ كورسات ف الحاجة اللي بحبها
وامسك فيها بايدي وسناني
حتي وان كان مجموعي ف الثانوية
وداني ورا الشمس
مستقبلنا احنا اللي بنبنيه
والضعيف هو اللي بيقع من اول شوط


اخـيرا سؤال شخصي
هـل الموضوع مفيـد؟

الموضوع مفيد
علشان ناس كتيرة عندها المشكلة دي
تقبل مروري