[قالوا الوداع قولت قشطة]

بيقولك طاطي راسك طاطي
ما انتا في وطن ديموقراطي .
تعرف لو مخبر بس شم خبر بالكلام الى احنا بنقوله دا
هنبقى في رحله سفاري
-
هوا لو كان عارف دينه مكنش عمل كدا
الرسول عليه الصلاه والسلام
مكنش بينام الا لما يتأكد ان مفيش حد نايم جعان ..
شوف كام مليون واحد نايم من غير اكل كل يوم .
هنقول العدد كبير ومش قادر على طلبتهم
خلاص مش قادر يبقى اشارتك خضرا ونجيب حد يقدر ..
بس نرجع نقول احنا في وطن ديموقراطي
حد لسانك واسكت لحسن تروح المعتقل
الى بيسموها منتجعات ترفيه .
يعنى يبقى وحش علشان بيرفه عنكو بقا دا اسمو كلام
ولا الفلوس هوا غلطان يعنى علشان بيحوشهلنا في سويسرا
ولا الجوع انتو شعب تخين عاوز يعمل رجيم ومفيش حد موافق
قال اعملهم رجيم غصب عنهم علشان يبقى جسمهم زي الغرب ..
بسسسسسسسسسسس
انا اتخنقت من كتر الكلام على ام الراجل دا .
سبني في حالى في الكام سنه الى فضلين دول علشان نسيب مصر .
علشان هيا ديموقراطيه
وانا مش بحب الديموقراطيه .