طب انا مش عارفة اقول اى بعد الكلام دة حقيقى كلام غاية فى الروعة
وانا كل ما اقرى فقرة معينى اقول فعلا هو دة اللى عاوزة اقوله وفى فقرات تانية انا مكنتش هعرف اقولها او اعبر عنها زى ما الكاتب قال باسلوبه وبيانه الجميل
بجد كلام كويس جدا
بس فى نقطة واحدة عاوزة أعلق عليها ألا وهى:
فى ناس بتقول : يعنى انتو اللى مش بتغلطوا ابدا .. يعنى هو حسنى مبارك كان بيغلط لوحدو .. شوفو نفسكو .. حاسبوا نفسكو قبل ما تحاسبوه
فردا عليهم اقول:
آه احنا مفروض نراقب أعمالنا ونحاسب نفسنا ولا نكن كما يقول الذكر الحكيم
أتأمرون الناس بالبر وتنسون أنفسكم
فعلا كل بنى آدم خطاء وخير الخطائين التوابين
لكن...
هل عشان احنا بنغلط منعاقبش المجرمين؟
هل الرسو عليه الصلاة والصلام قال كل بنى آدم خطاء لذلك متحاكموش اللى يغلط ويجرم؟
هل احنا بنطالب بمحاسبة مبارك المخلوع على انه كذب او مش صلى او مش طلع ذكاة او انه اغتاب حد أو فطر فى رمضان ومعملش كفارة أو .. أو .. أو ... إلى آخره من الأخطاء التى ليس لنا ان نعاقب أحد عليها والله وحده من يعاقب ونحن ليس لنا الا ان ننصح اهل هذه الأخطاء
لو احنا كنا كدة ساعتها يقولو كلامهم دة
لكن حسنى المخلوع تسبب فى سرقة .. قتل .. تعذيب .. تدمير أمة .. إفساد فى الأرض .. ترويع المؤمنين (لما كان كل راجل بيقف قدام بيته عشان يحميه بسبب البلطجة) اساءة للدين لما العادلى حرق الكنيسة وجاب واحد ملتحى وقال هو دة اللى عمل كدة وعذبوه
كل دى حاجات لازم يتعاقب عليها وهو مش هيتعاقب بدون دليل ولو ثبت براءته لن يتعاقب لكن المشكله انهم مش عاوزين حتى مجرد التحقيق معاه
وفى الآخر
شكرا كتير على التوبيك الرائع جزاكم الله خيرا