شيخ الازهر يصدر الاوامر للموظفين والموظفين يقومون بضرب هذة القرارات عرض الحائط وهم يريدون الوقيعة بين المعلمين وشيخ الازهر
عشان انت معلم مساعد لازم تعانى
وتحرق فى دمك سنين مش ثوانى
عشان انت معلم مساعد العذاب بيناديك
بتبدا فى يومك حاجات بترازيك
ده كله هجايص مايدخل ودانى
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
ده غير حصةفاضية وعمر اتسرق
ومخك خلاص من الصداع اتفلق
هترجع لبيتك ده لو كان فى بيت
عيالك بتطلب وهات كيت وكيت
فتنسى الكرامه وتنسى الشرف
مش انت اللى معلم مساعد؟؟؟ جتك القرف