[همتي رايتي]

السلام عليكم ورحمة الله

جزاكم الله خيرا وبارك الله فيكم على المرور الكريم

سأحاول حصر اجابات اسئلتكم بشكل بسيط

من هم السلف؟
السلف في اللغة هم الناس فيما مضى
السلف معنى : المقصود بهم الصحابة والتابعين وتابعي التابعين بقوله صلى الله عليه وسلم " خير الناس قرني ثم الذين يلونهم ثم الذين يلونهم" فهولاء هم المقصودون بالسلف
اكثر من كان على منهج الرسول صلى الله عليه وسلم

إذن نجد ان من السلف الائمة الأربعة الإمام مالك والإمام أحمد والإمام الشافعي والإمام أو حنيفة أصحاب المذاهب الأربعة التي نسير على نهجها في أمورنا الفقهية لأنهم عاصروا عصر تابعي التابعين

ومع ذلك نجد أن العلماء الكبار والذين نأخذ بفتواهم حتى الآن مثل بن باز وابن القيم ووو رحمهم الله تعالى ، نجدهم لا ينتمون للسلف ولا نستطيع قول انهم من السلف لانهم لم يعاصروا الصحابة او التابعين او تابعي التابعين ولكنهم خير خلف لخير سلف

من هم السلف اليوم؟
كما او ضحت سابقا لا يوجد سلف اليوم وانما من اتبع منهج السلف الصالح فهو خلف على منهج السلف

من هم السلفيون وهل غيرهم ليس بمسلم؟
السلفيون ظهروا بمسمى سلفيين لما كثرت الفرق الضالة كالمعتزلة والمرجئة ووو غيرهم
قالوا احنا سلفيين بمعنى احنا على مذهب أهل السنة والجماعة المذهب الذي يسير على نهج رسول الله صلى الله عليه وسلم والصحابة

هل غيرهم ليس بمسلم؟
لالالالالالالالالالالالالا طبعا
من الذي قال ذلك ومن الذي قال ان السلفي يكفر غيره
الف باء عقيدة بتقول
ان مذهب أهل السنة والجماعة لا يكفر أحدا إلا بمقولة مجموعة من العلماء
مثلا: واحدة بتروح تزور القبور والاضرحة وتستنجد بيهم
ده عمل كفري لكن المسلم السلفي اللى على منهج أهل السنة والجماعة يعني
مش هيقولها انتي كافرة
انما يقول ان هذه المرأة بتعمل عمل كفري
واللي يحكم بكونها كافرة خارجة عن الملة او لا مش انا ولا انت انما يبقى مجموعة من علماء الامة مش عالم واحد ولا اتنين

فأنت مسلم وكونك مسلم تشهد أن لا إله إلا الله وأن محمد رسول الله يجعلك على منهج أهل السنة والجماعة
والسلفيين على منهج أهل السنة والجماعة
إذن إنت سلفي لكن مش داري

مطلوب مني اقول اني سلفي وادخل في جماعة وكده؟
السلفية لا هي جماعة ولا حزب وانما منهج
كن على منهج أهل السنة والجماعة وتحراه واحذى خطاه في امور حياتك وبس

بس الصحابة والتابعين وتابعي التابعين كان في عصور العلم مكنش فيها متقدم لكن دلوقتي الدنيا اتغيرت؟
قبل ما تسأل السؤال ده اسأل نفسك سؤال تاني
من الذي شرع للصحابة الشرع وحدد لهم منهجهم؟
اكيد هتقول ربنا سبحانه وتعالى هو اللى شرع لنا كلنا الشرع
تمااااااااااام
طيب هل تتخيل ان ربنا سبحانه وتعالى لما يشرع لنا شرع هيكون مناسب لزمن وزمن تاني لأ

جل سبحانه وتنزه عما نقول
اكيد لا طبعا
إذن احنا نقدر نسير على منهج اهل السنة والجماعه منهج الرسول صلى الله عليه وسلم والصحابة في أمور حياتنا الحالية
ومع التقدم العلمي الرهيب ده

طيب ازاااااااااااي؟
بأنك تترك الحرام وتفعل الحلال بسيطة

مثلا: الانترنت تكنولوجيا قوية جدا
ناس شغالة فيه جامد جدا عشان تتعلم العلوم المختلفة في الدنيا بما ناه قرب العالم كله وجعله زي القرية
وناس واخدة وسيلة للشات وبس ( واغلبهم عرب)

مثلا: العلوم المختلفة
ناس في الجامعات مقضة وقتها كله في معمل او قدام جهاز كمبيوتر عشان من وهو طالب يطلع حاجة يفيد بها بلده
وناس مقضيه الجامعة قاعدة على رصيف الكلية ( ودول في مصر)

بالعكس الدين بيدعونا للعلم ثم العمل إنما عمل بلاعلم فيبقى هباء منثورا
فلا يوجد اي اعتراض بين العلوم التكنولوجية المتقدمة وبين الشرع لا يووووووووووووووووووجد


ليه السلفية ظهروا اوي دلوقتي؟
عشان يدافعوا عن المنهج الصحيح واللى في كتير جدا شوهه
دلوقتي لما حضرتك بتشوف واحد مربي لحيته على طول بتشمئز منه
ليه؟
مسمعتش حديث الرسول صلى الله عليه وسلم "جزوا الشوارب واعفول اللحي" والأمر هنا يفيد الواجب
يعني ده واجب
ولو حتى قولتلي لا سنة مش واجب مش هنفتي
ماشي ...واحد بيحب رسوله جدا وبيتبعه بيبقى شبهه حتى في لبسه وشكله
يبقى مينفعش يواكب العصر
طب ازاااااي؟

واحدة منتقبة يمنعوها من دخول الامتحانات وهي انتقبت لاجل رضا ربها وواحدة تانية بتحط ميكاب يخالف شرعها ويسيبوها
مين فيهم الاحق بدخول الامتحانات مين فيهم اللى معدنها ونفسها طيبة مش خبيثة
مين فيهم اللى تفيد أمتها وبلدها!!!!!!!!!!

هل يجب علي ان استمع لشيخ او داعية معين وواحد تاني لأ؟
مادام لاقيت كلامه مش مخالف للشرع خلاص استمعله
لما تقعد تستمع لدرس او لشيخ او لداعية اسمع منه ولكن خلي مرجعيتك للقرآن والسنة لو كان كلامه مخالف لهم يبقى متأخذش به لو موافق لهم خذ به إن شاء الله

أنصحكم بقرأة هذه الموضوع على المنتتدى
http://www.thanwya.com/vb/showthread...=1#post3355665

وفي النهاية اعتذر عن الاطالة
ولكن كما قال الشيخ هاني حلمي
كلنا ايد واحدة لازم نعلي راية الاسلام مش نهاجمها
كلنا على منهج أهل السنة والجماعة يبقى كلنا ايد واحدة